45-ാമത് ഗൾഫ് ഉച്ചകോടി അല്പ സമയത്തിനകം ആരംഭിക്കും, ഗൾഫ് രാജ്യങ്ങളിലെ നേതാക്കളും പ്രതിനിധികളും കുവൈറ്റിൽ എത്തിത്തുടങ്ങി

കുവൈറ്റ്‌: ഗൾഫ് രാജ്യങ്ങളിലെ നേതാക്കളും അവരുടെ പ്രതിനിധികളും ഗൾഫ് ഉച്ചകോടിയിൽ പങ്കെടുക്കാൻ എത്തി. രാജ്യം ഇന്ന് ആതിഥേയത്വം വഹിക്കുന്ന 45-ാമത് ഗൾഫ് ഉച്ചകോടിയിൽ പങ്കെടുക്കാൻ ഗൾഫ് സഹകരണ കൗൺസിൽ രാജ്യങ്ങളിലെ നേതാക്കൾ കുവൈത്തിൽ എത്തിത്തുടങ്ങി.

എയർപോർട്ടിൽ അമീർ ഷെയ്ഖ് മിഷാൽ അൽ അഹമ്മദ് ശബക് ഹിസ് ഹൈനസ് കിരീടാവകാശി സബാഹ് അൽ-ഖാലിദ്, അൽ സബാഹ് പ്രധാനമന്ത്രി ഷെയ്ഖ് അഹമ്മദ് അൽ-അബ്ദുല്ല, എന്നിവർ വിവിധ നേതാക്കളെ സ്വീകരിച്ചു.

സംയുക്ത ഗൾഫ് സഹകരണം വർധിപ്പിക്കുന്നതിനും സുസ്ഥിര വികസനം, സുരക്ഷ എന്നിവയുടെ പാത ഏകീകരിക്കുന്നതിനുമുള്ള സൂക്ഷ്മമായ പ്രാദേശിക, അന്തർദേശീയ സാഹചര്യങ്ങളിൽ ഗൾഫ് സഹകരണ കൗൺസിൽ രാജ്യങ്ങളിലെ നേതാക്കളുടെയും അവരുടെ പ്രതിനിധികളുടെയും സാന്നിധ്യത്തിൽ “കുവൈത്ത് ഉച്ചകോടി”യുടെ പ്രവർത്തനങ്ങൾ ഇന്ന് ആരംഭിക്കും.

മേഖലയിലെ സ്ഥിരതയും ചർച്ച വിഷയ മാകും. ബയാൻ പാലസിൽ നടക്കുന്ന ഉച്ചകോടിയിൽ പ്രാദേശിക സുരക്ഷാ പ്രശ്‌നങ്ങൾ, ഗൾഫ് സാമ്പത്തിക സംയോജനം വർധിപ്പിക്കൽ, പ്രാദേശികവും ആഗോളവുമായ വെല്ലുവിളികൾ അഭിമുഖീകരിക്കൽ തുടങ്ങിയ മുൻഗണനാ തന്ത്രപരമായ വിഷയങ്ങൾ ചർച്ച ചെയ്യും.