ജനഹൃദയങ്ങൾ കീഴടക്കി നരേന്ദ്രമോദി കുവൈറ്റിൽ. രാമായണവും മഹാഭാരതവും അറബിയിലേക്ക് വിവർത്തനം ചെയ്ത കുവൈത്തി സാഹിത്യകാരന്മാർക്ക് മോദിയുടെ അഭിനന്ദനം. അറബി വിവർത്തനത്തിന്റെ കോപ്പിയും പ്രധാനമന്ത്രിക്ക് സമ്മാനിച്ചു

കുവൈത്ത് സിറ്റി: രാമായണവും മഹാഭാരതവും അറബിയിലേക്ക് വിവർത്തനം ചെയ്ത കുവൈത്തി സാഹിത്യകാരന്മാരായ അബ്ദുല്ല അൽ-ബറൂണിനേയും അബ്ദുൾ ലത്തീഫ് അൽ-നിസഫിനേയും അഭിനന്ദിച്ച് പ്രധാനമന്ത്രി നരേന്ദ്ര മോദി.

രണ്ട് ദിവസത്തെ സന്ദർശനത്തിനായി കുവൈത്തിലെത്തിയ പ്രധാനമന്ത്രിക്ക് ഇരുവരും ചേർന്ന് വിവർത്തനം ചെയ്ത പുസ്തകത്തിന്റെ കോപ്പിയും സമ്മാനിച്ചു.

കൂടാതെ കുവൈത്തിൽ താമസിക്കുന്ന മുൻ ഇന്ത്യൻ നയതന്ത്രജ്ഞൻ മംഗൾ സെയ്ൻ ഹന്ദയെയും പ്രധാനമന്ത്രി സന്ദർശിച്ചു. 

ഇന്ന് കുവൈത്തിലെത്തിയ നരേന്ദ്രമോദിയെ വിമാനത്തവളത്തിൽ ഉജ്ജ്വല സ്വീകരണമാണ് നൽകിയത്. 

കുവൈത്ത് ഒന്നാം ഉപപ്രധാനമന്ത്രിയും പ്രതിരോധ, ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ സബാഹ്, പ്രധാനമന്ത്രിയുടെ ദിവാൻ ചീഫ് അബ്ദുൽ അസീസ് അൽ ദഖീൽ, വിദേശകാര്യ മന്ത്രി അബ്ദുല്ല അൽ യഹ്‌യ, ഉപദേഷ്ടാവ് എന്നിവർ ചേർന്നാണ് സ്വീകരിച്ചത്.

പ്രധാനമന്ത്രിയുടെ ദിവാനും അനുഗമിക്കുന്ന മിഷൻ ഓഫ് ഓണർ മേധാവിയുമായ ഷെയ്ഖ് ഡോ, ബാസൽ ഹുമൂദ് അൽ-സബാഹ്, ഏഷ്യൻ കാര്യങ്ങളുടെ അസിസ്റ്റൻ്റ് വിദേശകാര്യ മന്ത്രി. സമീഹ് ഹയാത്ത്, ഇന്ത്യയിലെ കുവൈത്ത് സ്ഥാനപതി മിഷാൽ അൽ-ഷെമാലി എന്നിവരും ഒപ്പമുണ്ടായിരുന്നു.