അസ്‌ലാം അലവിക്ക് യാത്രയയപ്പ് നൽകി കെടിഎ കുവൈത്ത്

കുവൈത്ത് സിറ്റി: ജോലി ആവശ്യാർത്ഥം സൗദിയിലേക്ക് പോകുന്ന കൊയിലാണ്ടി താലൂക്ക് അസോസിയേഷൻ (KTA) കുവൈത്ത് സ്ഥാപക അംഗവും മുൻ വൈസ് പ്രസിഡന്റുമായ അസ്‌ലാം അലവിക്ക് അസോസിയേഷൻ യാത്രയയപ്പ് നൽകി. 

പ്രസിഡന്റ് മുസ്തഫ മൈത്രിയുടെ അധ്യക്ഷതയിൽ സാൽമിയയിൽ ചേർന്ന യോഗം മുൻ പ്രസിഡന്റ് ജിനീഷ് നാരായണൻ ഉദ്ഘാടനം ചെയ്തു.

റിഹാബ് തൊണ്ടിയിൽ, മൻസൂർ മുണ്ടോത്ത്, റഷീദ് ഉള്ളിയേരി, സാദിഖ് തൈവളപ്പിൽ, നിസാർ ഇബ്രാഹിം, അക്ബർ ഊരള്ളൂർ, ജഗത് ജ്യോതി, യാസർ, മിഥുൻ ഗോവിന്ദ്, മസ്തുറ നിസാർ എന്നിവർ സംസാരിച്ചു. 

അസോസിയേഷൻ ഉപഹാരം പ്രസിഡന്റ് മുസ്തഫ മൈത്രി അസ്‌ലമിന് കൈമാറി. ഷാഹുൽ ബേപ്പൂർ, അസീസ് തിക്കോടി എന്നിവർ ഓൺലൈനിലൂടെ ആശംസകൾ നേർന്നു.

യാത്രയയപ്പിന് നന്ദി അർപ്പിച്ച് സംസാരിച്ച അസ്‌ലാം അലവി, സൗദിയിലായാലും അസോസിയേഷൻ പ്രവർത്തനങ്ങളോടൊപ്പം തുടർന്നും ഉണ്ടാവുമെന്ന് അറിയിച്ചു. ജനറൽ സെക്രട്ടറി സാഹിർ പുളിയഞ്ചേരി സ്വാഗതവും ട്രെഷറർ അതുൽ ഒരുവുമ്മൽ നന്ദിയും പറഞ്ഞു.