കുവൈത്തിൽ 7.8 ലക്ഷം ഗാർഹിക തൊഴിലാളികൾ; ഇന്ത്യക്കാർ മുന്നിൽ

കുവൈത്ത് സിറ്റി: കുവൈത്തിൽ ആകെ 7,80,930 ഗാർഹിക തൊഴിലാളികൾ ജോലി ചെയ്യുന്നുവെന്ന് സിവിൽ ഇൻഫർമേഷൻ ബ്യൂറോ പുറത്തുവിട്ട കണക്കുകൾ വ്യക്തമാക്കുന്നു. 

രാജ്യത്ത് ആകെ 15 ലക്ഷം കുവൈത്തി പൗരന്മാർ ഉണ്ടെന്നതിനെ അടിസ്ഥാനമാക്കി കണക്കുകൂട്ടുമ്പോൾ, പൗരന്മാരിൽ ഓരോ രണ്ടുപേർക്കും ഒരാൾ എന്ന നിലയിലാണ് ഗാർഹിക തൊഴിലാളികളുടെ സാന്നിധ്യം.

ഇന്ത്യക്കാർ ഒന്നാം സ്ഥാനത്ത് കുവൈത്തിലെ ഗാർഹിക മേഖലയിൽ ഇന്ത്യക്കാർ മുന്നിലാണ്. 3,28,487 ഇന്ത്യക്കാർ ഈ മേഖലയിലുണ്ട്, അതായത് മൊത്തം ഗാർഹിക തൊഴിലാളികളിൽ 42% ഇന്ത്യക്കാരാണ്.

ഫിലിപ്പീനോ തൊഴിലാളികൾ രണ്ടാമതാണ്; 1,50,136 പേർ കുവൈത്തിലെ ഗാർഹിക ജോലികളിൽ ഏർപ്പെട്ടിരിക്കുന്നു. 1,33,517 തൊഴിലാളികളോടെ ശ്രീലങ്ക മൂന്നാം സ്ഥാനത്താണ്.

മറ്റ് രാജ്യങ്ങളിലെ കണക്കുകൾ:

ബംഗ്ലാദേശ് – 87,255
നേപ്പാൾ – 47,008
ബെനിൻ – 9,195
എത്യോപ്യ – 8,593
മാലി – 3,180
ഇന്തോനേഷ്യ – 1,787

കുവൈത്തിൽ ഗാർഹിക തൊഴിൽ മേഖലയിലെ വിദേശ തൊഴിലാളികളുടെ വൻ സാന്നിധ്യവും, ഇന്ത്യക്കാർക്ക് ലഭിക്കുന്ന വർദ്ധിച്ചു വരുന്ന അവസരങ്ങളും ഈ കണക്കുകൾ വ്യക്തമാക്കുന്നു.