കുവൈറ്റിൽ ഇനിമുതൽ വിവാഹപ്രായം 18 വയസ്. പുതിയ നിയമം പ്രാബല്യത്തിൽ

കുവൈറ്റ്: കുവൈറ്റിൽ 18 വയസ്സിന് താഴെയുള്ളവരുടെ വിവാഹം നിരോധിക്കുന്ന പുതിയ നിയമം പ്രാബല്യത്തിലാക്കി സർക്കാർ. 1984-ലെ വ്യക്തിഗത പദവിയെക്കുറിച്ചുള്ള 51-ാം നമ്പർ നിയമത്തിലെ ആർട്ടിക്കിൾ 26-ൽ ഭേദഗതി വരുത്തി, 2025-ലെ 10-ാം നമ്പർ ഡിക്രി-നിയമം ഞായറാഴ്ച പ്രസിദ്ധീകരിച്ചു. 

പുതിയ നിയമമനുസരിച്ച്, 18 വയസ്സിന് താഴെയുള്ള ആരും വിവാഹ കരാറുകൾ രേഖപ്പെടുത്തുകയോ അംഗീകരിക്കുകയോ ചെയ്യാനാകുമെന്നും  ഉത്തരവിൽ വ്യക്തമാക്കുന്നു.

കുവൈറ്റ് ഭരണഘടന ഇസ്ലാമിക ശരീഅത്തിന്റെ വ്യവസ്ഥകൾ അനുസരിച്ച് കുടുംബം, മാതൃത്വം, ബാല്യകാലം എന്നിവയുടെ സംരക്ഷണം ഉറപ്പുനൽകുന്നു. കൂടാതെ പതിനെട്ട് വയസ്സിന് താഴെയുള്ള കുട്ടികളുടെ അവകാശങ്ങളും ഉറപ്പുനൽകുന്നതാണ് ഉത്തരവ്. 

പ്രധാനമന്ത്രിയും മന്ത്രിമാരും ഈ നിയമം നടപ്പാക്കുന്നതിന് ഉത്തരവാദികളായിരിക്കും. കൂടാതെ, ജാഫാരി പേഴ്‌സണൽ സ്റ്റാറ്റസ് നിയമത്തിൽ ഒരു പുതിയ ഖണ്ഡിക ചേർക്കുകയും, 18 വയസ്സിന് താഴെയുള്ളവർക്കുള്ള വിവാഹ കരാറുകൾ രേഖപ്പെടുത്തുന്നത് നിരോധിക്കുന്നത് വ്യക്തമായി നിർവചിക്കുന്നു.