കുവൈറ്റ് വാണിജ്യ - വ്യവസായ മന്ത്രാലയം അണ്ടർസെക്രട്ടറി സിയാദ് അൽ-നജെം രാജിക്കത്ത് സമർപ്പിച്ചു

കുവൈറ്റ്: വാണിജ്യ - വ്യവസായ മന്ത്രാലയത്തിലെ അണ്ടർസെക്രട്ടറി സിയാദ് അൽ-നജെം മന്ത്രി ഖലീഫ അൽ-അജീലിന് രാജിക്കത്ത് സമർപ്പിച്ചു. 'ഡ്രോ മാൻപുലേഷൻ കേസ്' സംഭവത്തിൽ കുറ്റക്കാരെതിരെ ആവശ്യമായ നിയമ നടപടികൾ വൈകാതെ സ്വീകരിച്ചുവെങ്കിലും, ഈ ഭീകര സംഭവങ്ങൾ മന്ത്രാലയത്തിന്റെ പരിധി കടന്ന്, വാണിജ്യ, വ്യവസായ മന്ത്രാലയത്തിന്റെ പ്രതിഛായയെ പൗരന്മാരുടെ മുന്നിൽ പ്രതികൂലമായി ബാധിച്ചിരിക്കുന്നു.

മുതിർന്ന ഉദ്യോഗസ്ഥനെന്ന നിലയിൽ നൈതിക ഉത്തരവാദിത്തം ഏറ്റെടുത്ത് വാണിജ്യ - വ്യവസായ മന്ത്രാലയത്തിലെ അണ്ടർസെക്രട്ടറി സ്ഥാനം രാജി വെക്കുന്നുവെന്ന് അൽ-നജെം തന്റെ രാജിക്കത്തിൽ വ്യക്തമാക്കി.

ഇതിനിടയിൽ, കുവൈത്ത് സെൻട്രൽ ബാങ്ക് പ്രാദേശിക ബാങ്കുകൾക്ക് വരാനിരിക്കുന്ന എല്ലാ സമ്മാന നറുക്കെടുപ്പുകളും ബാങ്ക് നറുക്കെടുപ്പ് പ്രക്രിയയുടെ മൂല്യനിർണയ ഫലങ്ങൾ ലഭിക്കുന്നതുവരെ മാറ്റിവയ്ക്കാൻ നിർദ്ദേശം നൽകി. 

ബാങ്കിംഗ് പ്രവർത്തനങ്ങൾ നിയന്ത്രിക്കുന്നതിനും, ബാങ്കിംഗ് പ്രവർത്തനങ്ങളുടെ സുഗമമായ പ്രവർത്തനം ഉറപ്പാക്കുന്നതിനും, ഉപഭോക്താക്കളുടെ അവകാശങ്ങൾ സംരക്ഷിക്കുന്നതിനും, ബാങ്കിംഗ് മേഖലയെ സംരക്ഷിക്കുന്നതിനും അനുയോജ്യമായ പരിസ്ഥിതി ഒരുക്കുന്നതിനും സെൻട്രൽ ബാങ്ക് സ്വീകരിച്ച നടപടികളുടെ ഭാഗമായാണ് ഈ നിർദ്ദേശം. 

കുവൈത്ത് നാണയത്തെക്കുറിച്ചും, ബാങ്കിംഗ് തൊഴിൽ നിയന്ത്രണത്തെക്കുറിച്ചും, അതിന്റെ ഭേദഗതികളെയും സംബന്ധിച്ച 1968 ലെ 32/1968 നമ്പർ നിയമത്തിന്റെ 71-ാം അനുഛേദം അടിസ്ഥാനമാക്കിയാണ് ഈ നടപടി.