കുവൈറ്റിലെ പാലക്കാട് പ്രവാസി അസോസിയേഷൻ ഇഫ്താർ സംഗമം സംഘടിപ്പിച്ചു

കുവൈറ്റ്: പാലക്കാട് പ്രവാസി അസോസിയേഷൻ ഓഫ് കുവൈറ്റ് ഇഫ്താർ സംഗമം സംഘടിപ്പിച്ചു.  ദജീജ് മെട്രോ ഹാളിൽ വച്ച് നടന്ന ചടങ്ങിൽ കുവൈറ്റിലെ വിവിധ സാമൂഹിക സാംസ്കാരിക മേഖലയിലെ പ്രമുഖ വ്യക്തിത്വങ്ങളും സംഘടനാംഗങ്ങളും പങ്കെടുത്തു. 

പൽപക്ക് പ്രസിഡന്റ് രാജേഷ് പരിയാരത്ത് ഉദ്ഘാടനം ചെയ്ത ഇഫ്താർ സംഗമത്തിൽ പ്രോഗ്രാം കൺവീനറും പൽപക് സാമൂഹ്യ വിഭാഗം സെക്രട്ടറിയുമായ ജിജു മാത്യു സ്വാഗതം പറഞ്ഞു. 

ജനാബ് ഫൈസൽ മഞ്ചേരി ഇഫ്താർ സന്ദേശം നൽകി. സമൂഹത്തിൽ പരസ്പരം സാഹോദര്യം നിലനിർത്തി കൊണ്ട് വെറുപ്പിന്റെയും വിദ്വേഷത്തിന്റെയും ചിന്തകളെ അകറ്റുവാനും, ഐക്യവും സമാധാനം നിലനിർത്തുവാനും ഇത്തരം സമൂഹ നോമ്പുതുറകൾ ഉപകാരപ്പെടട്ടെ എന്ന് അദ്ദേഹം അഭിപ്രായപ്പെട്ടു.

പല്പക് ജോയിന്റ് സെക്രട്ടറി ബിജു സി.പി, ഉപദേശ സമിതി അംഗം സക്കീർ പുതു നഗരം കൂടാതെ കുവൈറ്റിലെ വിവിധ സംഘടന നേതൃത്വത്തിൽ ഉള്ള മാർട്ടിൻ മാത്യു (കുട) ബാബുജി ബത്തേരി (തനിമ കുവൈറ്റ്), സുധീർ മേനോൻ (ബി.പി.പി), ഷൈജിത്ത് (ഫിറ), ജിതിൻ ജോസ് (സാന്ത്വനം), 

മധു വെട്ടിയാർ (എൻ.എസ്സ്.എസ്സ്), എം എ നിസാം (തിരുവനന്തപുരം അസോസിയേഷൻ), നിജിൻ ബേബി (കോട്ടയം അസോസിയേഷൻ), വർഗീസ് പോൾ (എറണാകുളം ഡിസ്റ്റിക് അസോസിയേഷൻ), 

ജിനേഷ് ജോസ് (കുവൈറ്റ് വയനാട് അസോസിയേഷൻ), ശ്രീനിവാസൻ (കാസർഗോഡ് അസോസിയേഷൻ) എന്നിവർ ചടങ്ങിൽ ആശംസകൾ അർപ്പിച്ചു സംസാരിച്ചു. ട്രഷറർ മനോജ് പരിയാനി യോഗത്തിൽ നന്ദി പ്രകാശിപ്പിച്ചു.