കുവൈത്തിൽ ശക്തമായ പൊടിക്കാറ്റ്. പുറംജോലികൾ ചെയ്യുന്നവർ ജാ​ഗ്രത പാലിക്കണമെന്ന് അധികൃതർ

കുവൈറ്റ് സിറ്റി: കുവൈത്തിൽ ശക്തമായ പൊടിക്കാറ്റ് അനുഭവപ്പെട്ടു. നിലവിൽ കുവൈറ്റ് സിറ്റിയിൽ താപനില 45 °C ആണ്.  ഇന്ന് കാറ്റ് ശക്തമാകാനുള്ള സാധ്യതയുള്ളതിനാൽ പുറത്ത് കഠിനമായ പ്രവർത്തനങ്ങൾ ചെയ്യുമ്പോൾ ജാഗ്രത പാലിക്കണമെന്നും നിർദേശമുണ്ട്.

പൊടിക്കാറ്റ് മൂലം ദൃശ്യത കുറയാനും ശ്വാസകോശ സംബന്ധമായ പ്രശ്നങ്ങൾ ഉണ്ടാകാനും സാധ്യതയുണ്ട്. അതിനാൽ, പ്രത്യേകിച്ച് ശ്വാസകോശ രോഗമുള്ളവർ, കുട്ടികൾ, മുതിർന്നവർ എന്നിവർ പുറത്ത് പോകുന്നത് പരിമിതപ്പെടുത്തുക. 

വീടുകളിൽ വാതിലുകളും ജനാലകളും അടച്ചുവെക്കുക, പുറത്ത് പോകുമ്പോൾ മാസ്ക് ധരിക്കുക എന്നിവ നിർദേശിക്കുന്നു.