പ്രവാസി വെൽഫെയർ കുവൈത്ത് അബു ഹലിഫ യൂണിറ്റ് സമ്മേളനവും റഫീഖ് ബാബുവിന് സ്വീകരണവും സംഘടിപ്പിച്ചു

കുവൈത്ത് സിറ്റി: പ്രവാസി വെൽഫെയർ കുവൈത്ത് അബു ഹലിഫ യൂണിറ്റ് സമ്മേളനവും കേന്ദ്ര പ്രസിഡന്റ് റഫീഖ് ബാബുവിനുള്ള സ്വീകരണവും അബുഹലീഫ തനിമ ഓഡിറ്റോറിയത്തിൽ നടന്നു. കേരള രാഷ്ട്രീയത്തിൽ വെൽഫെയർ പാർട്ടിയുടെ വളർച്ചയും നിലമ്പൂർ ഉപതെരഞ്ഞെടുപ്പ് ഫലങ്ങളും യോഗത്തിൽ പ്രധാന ചർച്ചയായി.

സ്വീകരണത്തിന് നന്ദി പറഞ്ഞുകൊണ്ട് കേന്ദ്ര പ്രസിഡന്റ് റഫീഖ് ബാബു സംസാരിച്ചു. ആനുകാലിക കേരള രാഷ്ട്രീയത്തിൽ പരമ്പരാഗത രാഷ്ട്രീയ പാർട്ടികളുടെ അജണ്ടകൾ നിശ്ചയിക്കുന്ന പാർട്ടിയായി കേരളത്തിലെ വെൽഫെയർ പാർട്ടി വളർന്നു കഴിഞ്ഞുവെന്ന് അദ്ദേഹം അഭിപ്രായപ്പെട്ടു. 

നിലമ്പൂർ ഉപതെരഞ്ഞെടുപ്പ് ഫലങ്ങളും അതിനെത്തുടർന്നുണ്ടായ ചർച്ചകളും ഇത് വ്യക്തമാക്കുന്നുണ്ടെന്നും റഫീഖ് ബാബു കൂട്ടിച്ചേർത്തു. യൂണിറ്റ് പ്രസിഡന്റ് മുജീബ് റഹ്മാൻ അധ്യക്ഷത വഹിച്ചു. 'സാഹോദര്യ പദയാത്ര അനുഭൂതികളും അനുരണനങ്ങളും' എന്ന വിഷയത്തിൽ അൻവർ ഷാജി സംസാരിച്ചു.

 'നിലമ്പൂർ ഉപതെരഞ്ഞെടുപ്പും രാഷ്ട്രീയ കേരളവും' എന്ന വിഷയത്തിൽ കെ. അബ്ദുറഹിമാൻ പ്രഭാഷണം നടത്തി. സെക്രട്ടറി സമദ് കൊയിലാണ്ടി സ്വാഗതവും ട്രഷറർ ഹാരിസ് ഇസ്മായിൽ നന്ദിയും പറഞ്ഞു. സമ്മേളനത്തോടനുബന്ധിച്ച് സർഗ്ഗവേദിയുടെ നേതൃത്വത്തിൽ ഗാനങ്ങളും കവിതാലാപനങ്ങളും അരങ്ങേറി. 

കൂടാതെ, സഞ്ചയിക, നോർക്ക കൗണ്ടറുകളും സജ്ജീകരിച്ചിരുന്നു. സഞ്ചയിക കൗണ്ടറിന് നിഹാദ് നാസിറും നോർക്ക കൗണ്ടറിന് സലിനയും നേതൃത്വം നൽകി. പരിപാടിയിൽ പുതുതായി പാർട്ടിയിലേക്ക് കടന്നുവന്നവർക്ക് സ്വീകരണം നൽകി.