ഇന്ത്യ-കുവൈറ്റ് ഉഭയകക്ഷി നിക്ഷേപ ഉടമ്പടി: രണ്ടാം ഘട്ട ചർച്ചകൾ പുരോഗമിക്കുന്നു

കുവൈറ്റ് സിറ്റി: ഇന്ത്യയും കുവൈത്തും തമ്മിലുള്ള ഉഭയകക്ഷി നിക്ഷേപ ഉടമ്പടിയുടെ (Bilateral Investment Treaty) രണ്ടാം ഘട്ട ചർച്ചകൾ വെർച്വൽ രൂപത്തിൽ സജീവമായി നടന്നുവരികയാണ്.

ഇരു രാജ്യങ്ങൾക്കുമിടയിലെ നിക്ഷേപ ബന്ധങ്ങൾ ശക്തിപ്പെടുത്തുക എന്ന ലക്ഷ്യത്തോടെയാണ് ഈ ഉടമ്പടിക്ക് രൂപം നൽകുന്നത്.

പുതിയ ഉടമ്പടി ഇരു രാജ്യങ്ങളിലും നടക്കുന്ന ഉഭയകക്ഷി നിക്ഷേപങ്ങളെ പ്രോത്സാഹിപ്പിക്കുകയും അവയ്ക്ക് ആവശ്യമായ സൗകര്യങ്ങൾ ഒരുക്കുകയും ചെയ്യുമെന്ന് മാത്രമല്ല, ഈ നിക്ഷേപങ്ങൾക്ക് പൂർണ്ണ സംരക്ഷണം ഉറപ്പാക്കുകയും ചെയ്യും. 

സാമ്പത്തിക സഹകരണം വർദ്ധിപ്പിക്കുന്നതിനും നിക്ഷേപകർക്ക് കൂടുതൽ സുരക്ഷിതത്വം നൽകുന്നതിനും ഈ ഉടമ്പടി നിർണായകമാവുമെന്നാണ് പ്രതീക്ഷിക്കുന്നത്. 

ചർച്ചകൾ വിജയകരമായി പൂർത്തിയാക്കി ഉടമ്പടി പ്രാബല്യത്തിൽ വരുന്നതോടെ ഇരു രാജ്യങ്ങൾക്കുമിടയിൽ കൂടുതൽ നിക്ഷേപ സാധ്യതകൾ തുറക്കുമെന്നാണ് വിലയിരുത്തൽ.