സാമൂഹിക വികസന ഉച്ചകോടി: കുവൈത്ത് അമീറിന് ഖത്തർ അമീറിന്റെ ക്ഷണം കൈമാറി

കുവൈത്ത് സിറ്റി: സാമൂഹിക വികസനത്തിനായുള്ള രണ്ടാമത്തെ ലോക ഉച്ചകോടിയിൽ പങ്കെടുക്കാൻ കുവൈത്ത് അമീർ ഷെയ്ഖ് മിഷാൽ അൽ-അഹമ്മദ് അൽ-ജാബർ അൽ-സബാഹിന് ഖത്തർ അമീർ ഷെയ്ഖ് തമീം ബിൻ ഹമദ് അൽ താനിയുടെ ഔദ്യോഗിക ക്ഷണം ലഭിച്ചു. 

2025 നവംബർ 4 മുതൽ 6 വരെ ഖത്തർ തലസ്ഥാനമായ ദോഹയിൽ വെച്ചാണ് ഈ സുപ്രധാന ഉച്ചകോടി നടക്കുക. ഖത്തർ അമീറിന്റെ ക്ഷണക്കത്ത് കുവൈത്ത് അമീറിന് കൈമാറിയത് കുവൈത്തിലെ ഖത്തർ അംബാസഡർ അലി ബിൻ അബ്ദുല്ല അൽ മഹ്മൂദാണ്.

കൈമാറിയത് ലോകമെമ്പാടുമുള്ള സാമൂഹിക വികസന വിഷയങ്ങളിൽ ശ്രദ്ധ കേന്ദ്രീകരിക്കുന്ന ഈ ഉച്ചകോടി, മേഖലയിലെയും ലോകത്തിലെയും പ്രമുഖ വ്യക്തിത്വങ്ങളെ ഒരുമിച്ച് കൊണ്ടുവരും.

അന്താരാഷ്ട്ര തലത്തിൽ സാമൂഹിക പുരോഗതിക്കും വികസനത്തിനും ഊന്നൽ നൽകുന്ന ഈ ഉച്ചകോടിയിൽ കുവൈത്തിന്റെ പങ്കാളിത്തം പ്രാദേശികവും ആഗോളവുമായ സഹകരണത്തിന് കരുത്ത് പകരുമെന്ന് പ്രതീക്ഷിക്കുന്നു.