കുവൈറ്റിൽ വൻ മയക്കുമരുന്ന് വേട്ട: വിമാനമാർഗ്ഗം കടത്താൻ ശ്രമിച്ച 47 കിലോ കഞ്ചാവ് പിടികൂടി, മയക്കുമരുന്ന് മാഫിയക്കെതിരെ ശക്തമായ നടപടികൾ തുടരുമെന്ന് അധികൃതർ

കുവൈറ്റ് സിറ്റി: കുവൈറ്റിലേക്ക് വിമാനമാർഗ്ഗം കടത്താൻ ശ്രമിച്ച വൻ മയക്കുമരുന്ന് ശേഖരം പിടികൂടി. 47 കിലോഗ്രാം മാരിജുവാനയാണ് (കഞ്ചാവ്) മയക്കുമരുന്ന് വിരുദ്ധ വിഭാഗവും കസ്റ്റംസ് അധികൃതരും സംയുക്തമായി നടത്തിയ പരിശോധനയിൽ പിടികൂടിയത്.

അതീവ രഹസ്യ സ്വഭാവത്തോടെ നടത്തിയ നീക്കത്തിലാണ് വിമാന കാർഗോ വഴി എത്തിയ ഈ ലഹരിവസ്തുക്കൾ അതിർത്തിയിൽ വെച്ച് പിടികൂടാൻ സാധിച്ചത്.

രാജ്യത്തേക്ക് മയക്കുമരുന്ന് കടത്താൻ ശ്രമിക്കുന്ന സംഘങ്ങളെ പിടികൂടാൻ സുരക്ഷാ ഏജൻസികൾ അതീവ ജാഗ്രതയിലാണ്. ഈ സംഭവവുമായി ബന്ധപ്പെട്ട് കൂടുതൽ അന്വേഷണങ്ങൾ നടന്നുവരികയാണെന്നും മയക്കുമരുന്ന് മാഫിയക്കെതിരെ ശക്തമായ നടപടികൾ തുടരുമെന്നും അധികൃതർ അറിയിച്ചു.