കുവൈത്ത് ദിനാറിന് റെക്കോർഡ് മുന്നേറ്റം, ഇന്ത്യൻ രൂപയുമായി വൻ വർധന ! പ്രവാസികൾക്ക് നേട്ടം

കുവൈത്ത് സിറ്റി: ഇന്ത്യൻ രൂപയുമായുള്ള വിനിമയ നിരക്കിൽ കുവൈത്ത് ദിനാർ (KWD) റെക്കോർഡ് മുന്നേറ്റം രേഖപ്പെടുത്തി. ബുധനാഴ്ച രാവിലെ പുറത്തുവന്ന xe റിപ്പോർട്ട് പ്രകാരം, ഒരു കുവൈത്ത് ദിനാറിന് 286.310 ഇന്ത്യൻ രൂപയാണ് വിനിമയ മൂല്യം. 

പ്രവാസികൾക്കും പണം നാട്ടിലേക്ക് അയയ്ക്കുന്നവർക്കും വലിയ നേട്ടമുണ്ടാക്കുന്നതാണ് ഈ മുന്നേറ്റം. കഴിഞ്ഞ കുറച്ചുകാലമായി ഇന്ത്യൻ രൂപയുടെ മൂല്യത്തിലുണ്ടായ ഇടിവും ആഗോള വിപണിയിലെ എണ്ണവില വർധനവും കുവൈത്ത് ദിനാറിന്റെ മൂല്യം ഉയർത്തുന്നതിൽ പ്രധാന പങ്കുവഹിച്ചിട്ടുണ്ട്. 

ലോകത്തിലെ ഏറ്റവും ഉയർന്ന മൂല്യമുള്ള കറൻസികളിൽ ഒന്നാണ് കുവൈത്ത് ദിനാർ. രാജ്യത്തിന്റെ എണ്ണ സമ്പത്തും സാമ്പത്തിക സ്ഥിരതയും ദിനാറിന്റെ ഈ മുന്നേറ്റത്തിന് കരുത്ത് പകരുന്നു.

പ്രവാസികൾക്ക് കൂടുതൽ പണം നാട്ടിലേക്ക് അയയ്ക്കാൻ ഇത് സുവർണ്ണാവസരമാണ്. വരും ദിവസങ്ങളിലും ദിനാറിന്റെ മൂല്യം ഈ നിലയിൽ തുടരുമോ അതോ മാറ്റങ്ങളുണ്ടാകുമോ എന്ന് ഉറ്റുനോക്കുകയാണ് സാമ്പത്തിക വിദഗ്ദ്ധർ.