കുവൈറ്റ് ഇറാഖ് അധിനിവേശത്തിൻ്റെ 35-ാം വാർഷികം: 'ഒന്നായി എന്നും, രാജ്യത്തിന് ഒരു പരിച' രക്തദാന ക്യാമ്പയിന് തുടക്കമായി

കുവൈറ്റ് സിറ്റി: ഇറാഖി അധിനിവേശത്തിൻ്റെ 35-ാം വാർഷികത്തിൽ കുവൈറ്റ് ജനതയുടെ ദേശീയ ഐക്യം ഊട്ടിയുറപ്പിച്ചുകൊണ്ട്, ആരോഗ്യ മന്ത്രി ഡോ. അഹ്മദ് അബ്ദുൽവഹാബ് അൽ-അവാദി 10-ാമത് വാർഷിക ദേശീയ രക്തദാന കാമ്പയിൻ ഉദ്ഘാടനം ചെയ്തു. 

"ഒന്നായി എന്നും, രാജ്യത്തിന് ഒരു പരിച" (Together Forever, A Shield for the Nation) എന്ന പ്രമേയത്തിലാണ് ഇത്തവണത്തെ കാമ്പയിൻ സംഘടിപ്പിക്കുന്നത്.

രാജ്യത്തിനുവേണ്ടി ജീവൻ ബലിയർപ്പിച്ച കുവൈറ്റിലെ രക്തസാക്ഷികൾക്കുള്ള ആദരവാണ് ഈ രക്തദാന യജ്ഞം എന്ന് മന്ത്രി അൽ-അവാദി ഉദ്ഘാടന പ്രസംഗത്തിൽ പറഞ്ഞു. അധിനിവേശ കാലഘട്ടത്തിൽ രാജ്യം നേരിട്ട വെല്ലുവിളികളെയും അതിജീവനത്തെയും അനുസ്മരിച്ചുകൊണ്ട്, ദേശീയ ഐക്യത്തിൻ്റെയും പരസ്പര സഹകരണത്തിൻ്റെയും പ്രാധാന്യം അദ്ദേഹം അടിവരയിട്ടു പറഞ്ഞു.

ഈ കാമ്പയിൻ, കുവൈറ്റ് ജനതയുടെ അചഞ്ചലമായ മനോഭാവത്തെയും രാജ്യത്തോടുള്ള പ്രതിബദ്ധതയെയും ഓർമ്മിപ്പിക്കുന്നു. ദേശീയ ഐക്യം ശക്തിപ്പെടുത്തുന്നതിനും ഭാവി തലമുറയ്ക്ക് പ്രചോദനം നൽകുന്നതിനും ഇത് സഹായിക്കുമെന്നും അധികൃതർ പ്രത്യാശ പ്രകടിപ്പിച്ചു. വരും ദിവസങ്ങളിൽ രാജ്യത്തുടനീളം രക്തദാന ക്യാമ്പുകൾ സംഘടിപ്പിക്കുന്നുണ്ട്