കുവൈറ്റിലെ ഇന്ത്യൻ എംബസി ഭരണഘടനാ ദിനം ആചരിച്ചു; പ്രതിജ്ഞയെടുത്ത് ഉദ്യോഗസ്ഥരും ജീവനക്കാരും

കുവൈറ്റ് സിറ്റി: ഇന്ത്യയുടെ പരമോന്നത ഭരണഘടനാ തത്വങ്ങളോടുള്ള പ്രതിബദ്ധത ഊട്ടിയുറപ്പിച്ചുകൊണ്ട് കുവൈറ്റിലെ ഇന്ത്യൻ എംബസി  ഭരണഘടനാ ദിനം ആചരിച്ചു.

എംബസിയിലെ ഉദ്യോഗസ്ഥരും ജീവനക്കാരും ചേർന്ന് ഭരണഘടനയുടെ ആമുഖം (Preamble) വായിച്ചുകൊണ്ടാണ് ദിനാചരണത്തിന് തുടക്കമിട്ടത്.

ഇന്ത്യൻ ഭരണഘടനാ തത്വങ്ങളോടും ജനാധിപത്യപരമായ ആദർശങ്ങളോടുമുള്ള തങ്ങളുടെ ശാശ്വതമായ സമർപ്പണം ഈ ദിനാചരണത്തിലൂടെ എംബസി അടിവരയിട്ടു.

രാജ്യത്തിന്റെ പരമാധികാരവും, സോഷ്യലിസവും, മതേതരത്വവും, ജനാധിപത്യപരവുമായ ഘടന ഉറപ്പുനരുക്കുന്ന ഭരണഘടനയുടെ ആമുഖം എല്ലാവരും ചേർന്ന് വായിച്ചത് ചടങ്ങിന്റെ പ്രധാന ആകർഷണമായി.

ഇന്ത്യൻ സമൂഹവും ഭരണഘടനാ മൂല്യങ്ങളും തമ്മിലുള്ള ബന്ധം ശക്തിപ്പെടുത്തുന്നതിനുള്ള പ്രതിജ്ഞാബദ്ധത എംബസി അധികൃതർ ഈ അവസരത്തിൽ ആവർത്തിച്ചു.