തനിമ കുവൈത്തിന്റെ 19-ാം ദേശീയ വടംവലി മത്സരം നവംബർ 28ന്

കുവൈറ്റ്: തനിമ കുവൈത്തിന്റെ ആഭിമുഖ്യത്തിൽ സൻസീലിയ എവർ റോളിംഗ് ട്രോഫിക്കായുള്ള 19-ാം ദേശീയ വടംവലി മത്സരംവും ഡോ. ഏ.പി.ജെ. അബ്ദുൽ കലാം 'പേൾ ഓഫ് ദി സ്കൂൾ' അവാർഡ് ദാനവും, നവംബർ 28-ന് അബ്ബാസിയയിലെ ഇന്റിഗ്രേറ്റഡ് ഇന്ത്യൻ സ്കൂൾ ഓപ്പൺ ഫ്ലഡ്ലൈറ്റ് സ്റ്റേഡിയത്തിൽ നടക്കും.

പ്രശസ്ത മലയാള സാഹിത്യകാരൻ പരേതനായ എം.ടി. വാസുദേവൻ നായരുടെ സ്മരണാർത്ഥം "എം.ടി. നഗർ" എന്ന് നാമകരണം ചെയ്ത വേദി വ്യവസായിയും കരാട്ടെ വിദഗ്ധനുമായ ശ്രീ. സുരേഷ് കാർത്തിക് ഉദ്ഘാടനം ചെയ്യും. ഉച്ചയ്ക്ക് 12:00 മുതൽ രാത്രി 10:00 വരെയാണ് മത്സരങ്ങൾ.
മാസങ്ങളോളം പരിശീലനം നടത്തിയ 20-ഓളം ടീമുകൾ മത്സരത്തിൽ പങ്കെടുക്കും.

ലോകത്തിന്റെ വിവിധ ഭാഗങ്ങളിൽ നിന്നുള്ള 30-പരം താരങ്ങൾ ഈ വടംവലി മമാങ്കത്തിൽ മാറ്റുരയ്ക്കും. മത്സരങ്ങളിൽ നിന്ന് തിരഞ്ഞെടുക്കപ്പെടുന്ന മികച്ച താരങ്ങൾക്ക് ഇന്ത്യയിലെ ദേശീയ മത്സരങ്ങളിൽ കുവൈത്തിനെ പ്രതിനിധീകരിക്കാൻ അവസരം ലഭിക്കും.

5–6 അടിയോളം ഉയരമുള്ള എവർ റോളിംഗ് ട്രോഫികൾ മത്സരത്തിന്റെ പ്രധാന ആകർഷണമാണ്. മലേഷ്യയിൽ നടന്ന ഏഷ്യൻ ചാമ്പ്യൻഷിപ്പിൽ സിൽവർ മെഡൽ നേടിയ കുവൈറ്റ് നാഷണൽ ടഗ് ഓഫ് വാർ ടീമിനെ ചടങ്ങിൽ ആദരിക്കും.

കുവൈത്തിലെ 24 ഇന്ത്യൻ സ്കൂളുകളിൽ നിന്ന് പഠന-പഠനേതര മേഖലകളിൽ മികച്ച പ്രകടനം കാഴ്ചവെച്ച വിദ്യാർത്ഥികൾക്ക് ഡോ. ഏ.പി.ജെ. അബ്ദുൽ കലാം ‘പേൾ ഓഫ് ദി സ്കൂൾ’ അവാർഡുകൾ വിതരണം ചെയ്യും.കൂടാതെ, ‘ബിനി മെമ്മോറിയൽ അവാർഡും’ സമ്മാനിക്കും.

പൊതുസമ്മേളനത്തിൽ പോർച്ചുഗീസ് ഇന്റർനാഷണൽ വോളിബോൾ താരം ജോസെ പെട്രോ ഗോമസ്, എൻആർഐ ടഗ് ഓഫ് വാർ സെലക്ഷൻ കമ്മിറ്റി ചെയർമാൻ ഹർവിന്ദർ സിംഗ് എന്നിവർക്കൊപ്പം കുവൈത്തിലെ സാംസ്‌കാരിക പൗരപ്രമുഖരും വിവിധ വ്യവസായികളും പങ്കെടുക്കും.
എല്ലാ കായികപ്രേമികളെയും ഈ സൗജന്യ വടംവലി മഹാമേളയിലേക്ക് തനിമ ഹൃദയപൂർവ്വം സ്വാഗതം ചെയ്യുന്നതായി സംഘാടകർ പത്ര സമ്മേളനത്തിൽ അറിയിച്ചു.

ഓണത്തനിമ കൺവീനർ ബിനിൽ സ്കറിയ, പ്രോഗ്രാം കൺവീനർ ജേക്കബ് വർഗീസ്, ഓർഗനൈസിംഗ് കമ്മിറ്റി ചെയർമാൻ ബാബുജി ബത്തേരി, തനിമ സ്പോർട്സ് കൺവീനർ ജിൻസ് മാത്യു, തനിമ ജനറൽ കൺവീനർ ജോജിമോൻ തോമസ്, തനിമ ഓഫീസ് സെക്രട്ടറി ജിനു കെ. അബ്രഹാം, തനിമ ട്രഷറർ റാണാ വർഗീസ്, ഓണത്തനിമ ജോയിന്റ് കൺവീനർ ഡൊമിനിക് ആന്റണി, 

ഓണത്തനിമ ഫിനാൻസ് കൺവീനർ ഷാജി വർഗീസ്, തനിമ ജോയിന്റ് കൺവീനർ വിജേഷ് വേലായുധൻ, എൻആർഐ ടഗ് ഓഫ് വാർ ഫെഡറെഷൻ ജനറൽ സെക്രെട്ടറി ഡി.കെ. ദിലീപ്, തനിമ ലേഡീസ് വിങ് കൺവീനർ ഉഷ ദിലീപ്, മീഡിയ കൺവീനർ മുബാറക് കാമ്പ്രത്ത് എന്നിവരും പത്ര സമ്മേളനത്തിൽ സന്നിഹിതരായിരുന്നു.