അന്താരാഷ്ട്ര മയക്കുമരുന്ന് കള്ളക്കടത്ത് ശൃംഖല പിടിയിൽ; പിടിച്ചെടുത്തത് 16കിലോ മയക്കു മരുന്നും 10000 ഗുളികകളും

കുവൈറ്റ് :  അന്താരാഷ്ട്ര മയക്കുമരുന്ന് കള്ളക്കടത്ത് ശൃംഖലയെ പിടികൂടി.   16കിലോ മയക്കു മരുന്നും  10000  ഗുളികകളുമായി  4പേർ അടങ്ങുന്ന അന്ത്രാഷ്ട്ര മയക്കുമരുന്ന് സംഘമാണ് പിടിയിലായത്. പിടികൂടിയവരിൽ    രണ്ട് അറബ് പൗരന്മാരുമുണ്ട്. ഒരു  അനധികൃത താമസക്കാരനും ഒരു സ്ത്രീ പൗരയും മടങ്ങുന്നതാണ്  സംഘം 

 
ഈ ശൃംഖലയിലെ അംഗങ്ങൾ   വൻതോതിൽ മയക്കുമരുന്ന് രാജ്യത്തേക്ക് കൊണ്ടുവന്നതായി  ആഭ്യന്തര മന്ത്രാലയം പ്രസ്താവനയിൽപറഞ്ഞു .

സുരക്ഷാ ഉദ്യോഗസ്ഥരെ കബളിപ്പിച്ച്  അഗ്നിശമന യന്ത്രങ്ങൾക്കുള്ളിൽ രഹസ്യമായി  ഒളിപ്പിച്ച 16 കിലോഗ്രാം ഷാബുവും 10,000 ട്രമാഡോൾ ഗുളികകളും ഓപ്പറേഷനിൽ പിടിച്ചെടുത്തു.
 
മയക്കുമരുന്ന് കടത്തുന്നവരെയും  വ്യാപാരം നടത്തുന്നവരെയും  നിരീക്ഷിക്കുന്നുണ്ടെന്നും ഈ വിഷങ്ങൾ പ്രചരിപ്പിക്കാൻ ശ്രമിക്കുന്ന കുറ്റവാളികളെ പിന്തുടരുന്നതിലും തടയുന്നതിലും അലംഭാവം കാണിക്കില്ലെന്നും ആഭ്യന്തര മന്ത്രാലയം വ്യക്തമാക്കി 
.
സുരക്ഷാ ഉദ്യോഗസ്ഥരുമായി സഹകരിക്കാനും എന്തെങ്കിലും വിവരം ലഭിക്കുന്നവർ എമർജൻസി ഫോൺ 112 ലും ഡ്രഗ് കൺട്രോളിനുള്ള ജനറൽ അഡ്മിനിസ്ട്രേഷൻ്റെ ഹോട്ട്‌ലൈനിൽ (1884141) അറിയിക്കാനും ആഹ്വാനം ചെയ്തു