വയനാടിന്‌ കൈത്താങ്ങുമായി കുവൈറ്റ് കെഎംസിസി കോഴിക്കോട് ജില്ലയും

കുവൈറ്റ്:   മഹാദുരിതം വിതച്ച വയനാട്ടിലെ ദുരിതബാധിതരെ ഹൃദയത്തോടു ചേർത്ത് പിടിച്ചുകൊണ്ടു, അവരുടെ പുനരധിവാസത്തിനായി കുവൈത്ത് കെഎംസിസി സമാഹരിക്കുന്ന അമ്പതു ലക്ഷം രൂപയുടെ ധന സമാഹരണത്തിലേക്കു, കുവൈറ്റ് കെഎംസിസി കോഴിക്കോട് ജില്ലാ കമ്മറ്റിയുടെ വിഹിതമായ പതിനാലു ലക്ഷം രൂപ, കുവൈറ്റ് കെഎംസിസി സംസ്ഥാന കമ്മറ്റിക്ക് കൈമാറി.

ജില്ലയിലെ പതിമൂന്നു മണ്ഡലം കമ്മറ്റികളും സ്വരൂപിച്ചെടുത്ത തുകയാണ് ഈ പതിനാലു ലക്ഷം രൂപ. ഫർവാനിയയിൽ വെച്ച് നടന്ന ചടങ്ങിൽ വെച്ച് കുവൈറ്റ് കെഎംസിസി സംസ്ഥാന പ്രസിഡണ്ട് സയ്ദ് നാസർ മശ് ഹൂർ തങ്ങൾക്കു, ജില്ലാ പ്രസിഡണ്ട് അസീസ് തിക്കോടിയാണ് പതിനാലു ലക്ഷം യുടെ ചെക്ക് കൈമാറിയത്.

ജില്ലാ ഭാരവാഹികളായ, വി പി അബ്ദുല്ല, അലി അക്ബർ കറുത്തേടത്, ഗഫൂർ അത്തോളി, സമീർ തിക്കോടി, സാദിഖ് ടി വി, സംസ്ഥാന ഭാരവാഹികളായ ഗഫൂർ വയനാട്, ഹാരിസ് വള്ളിയോത്, റൗഫ് മശ് ഹൂർ തങ്ങൾ, ജില്ലയിലെ മണ്ഡലം ഭാരവാഹികൾ തുടങ്ങിയവർ പ്രസ്തുത ചടങ്ങിൽ സന്നിഹിതരായിരുന്നു.