മുസ്തഫ ഹംസ, സിവി പോൾ, സുനിൽ പറക്കടത്തു എന്നിവർക്ക് കെ.എം.ആർ.എം - പേൾ ജൂബിലി - ബിസിനസ് എക്സെല്ലെൻസ് അവാർഡ്

കുവൈറ്റ് സിറ്റി: കുവൈറ്റ് മലങ്കര റീത്തു മൂവ്മെന്റ് വിളവോത്സവ - പേൾ ജൂബിലി സമാപനത്തോടനുബന്ധിച്ചു കുവൈറ്റിലെ സാമൂഹിക, സാംസ്കാരിക, വ്യവസായ മേഖലകളിൽ സ്തുത്യർഹമായ സേവനം ചെയുന്നവർക്കായി ഏർപ്പെടുത്തിയ അവാർഡിന് മെട്രോ മെഡിക്കൽ ഗ്രൂപ്പ് ചെയര്‍മാന്‍ ആൻഡ് സി.ഇ.ഓ മുസ്തഫ ഹംസ,  ബൂബിയൻ  ഗ്യാസ് എം.ഡി. സിവി പോൾ, ഫിനിക്‌സ് ഗ്രൂപ്പ് ഓഫ് പ്രോഡക്ടസ് എം.ഡി സുനിൽ പറക്കടത്തു എന്നിവർ അർഹരായി.

പേൾ ജൂബിലി സമാപന സമ്മേളനത്തിൽ വച്ച് മലങ്കര കത്തോലിക്കാ സഭയുടെ തലവന്‍ കർദ്ദിനാൾ ബസേലിയോസ് ക്‌ളീമിസ് കാതോലിക്ക ബാവ അവാർഡുകൾ വിതരണം ചെയ്തു.

മത, രാഷ്ട്രീയ, വർഗ, വർണങ്ങൾക്കപ്പുറമായി സഹജീവികൾക്ക്  കരുതലും തണലും നൽകുവാൻ മുന്നിട്ടിറങ്ങുന്നവർ എന്നും ആദരിക്കപ്പെടേണ്ടവർ തന്നെയാണെന്ന് അവാർഡുകൾ നൽകി കൊണ്ട് കർദിനാൾ പറഞ്ഞു.

കെ.എം.ആർ.എം ആല്മീയ ഉപദേഷ്ടാവ് റവ.ഡോ. തോമസ് കാഞ്ഞിരമുകളിൽ, മലങ്കര കത്തോലിക്കാ സഭ ജി.സി.സി കോർഡിനേറ്റർ കോർ എപിസ്കോപ്പോ റവ. ജോൺ തുണ്ടിയത്തു, റവ.ഡോ.ടൈറ്റസ് ജോൺ ചേരാവള്ളിൽ ഓ. ഐ .സി,  റവ.ഫാ. സേവേറിയോസ് തോമസ്, യുണൈറ്റഡ്  ഇന്ത്യൻ ഇന്റർനാഷണൽ സ്കൂൾ ഡയറക്ടർ ജോയൽ ജേക്കബ് എന്നിവർ സന്നിഹിതരായിരുന്നു.

അവാർഡ് ജേതാക്കളെ പ്രതിനിധീകരിച്ചു കൊണ്ട് മെട്രോ മെഡിക്കൽ ഗ്രൂപ്പ് ചെയർമാൻ ആൻഡ് സി.ഇ.ഓ മുസ്തഫ ഹംസ തങ്ങൾക്കു ലഭിച്ച അംഗീകാരത്തിനും, കർദ്ദിനാൾ ബസേലിയോസ് ക്‌ളീമിസ് കാതോലിക്ക ബാവയിൽ നിന്നും ഇത് സ്വീകരിക്കാൻ സാധിച്ചതിലും നന്ദി അറിയിച്ചുകൊണ്ട് സംസാരിച്ചു.

ചടങ്ങിന് കെ.എം.ആർ.എം ജനറൽ സെക്രട്ടറി ബിനു കെ. ജോൺ സ്വാഗതവും ട്രഷറർ റാണ വർഗീസ് നന്ദിയും പറഞ്ഞു.