അങ്കമാലി പ്രവാസി അസോസിയേഷൻ കുവൈറ്റ് ഓണാഘോഷം 'ഓണനിലാവ് 2025' ആഘോഷിച്ചു

കുവൈറ്റ്: അങ്കമാലി പ്രവാസി അസോസിയേഷൻ കുവൈറ്റ് അപക് സെപ്റ്റംബർ 26 ന് വെള്ളിയാഴ്ച അബ്ബാസിയ സെൻട്രൽ സ്കൂളിൽ ഓണനിലാവ് 2025 ആഘോഷിച്ചു. 

പ്രസിഡൻറ് ജോൺസൺ അറക്കലിന്‍റെ അധ്യക്ഷതയിൽ ആരംഭിച്ച പൊതുയോഗത്തിൽ ജനറൽ സെക്രട്ടറി സജീവ് പോൾ സ്വാഗതം ആശംസിച്ചു. വിശിഷ്ടാതിഥി നാടക തിരക്കഥ സംവിധായകൻ ഷമേജ് കുമാർ തിരിതെളിച്ച് ഉദ്ഘാടനം ചെയ്ത് ഓണ സന്ദേശം നൽകി.

അഡ്വൈസറി ബോർഡ് ചെയർ വർഗീസ് പോൾ ആശംസകൾ അറിയിച്ച് സംസാരിച്ചു. 10, 12 ക്ലാസുകളിൽ ഉന്നത വിജയം നേടിയ അസോസിയേഷനിലെ കുട്ടികളെ അപക് ഫലകം നൽകി ആദരിച്ചു. തുടർന്ന് ട്രഷറർ ജോസ് പഞ്ഞിക്കാരൻ നന്ദി രേഖപ്പെടുത്തി.

അതിമനോഹരമായ ഘോഷയാത്രയും, താലപ്പൊലിയും, ശിങ്കാരിമേളവും, പുലികളിയും ഓണസദ്യയും പ്രോഗ്രാമിന്റെ മനോഹര നിമിഷങ്ങൾ ആയിരുന്നു. 

കേരളത്തനിമ നിലനിർത്തുന്ന തിരുവാതിരകളി, ഡിലൈറ്റ്സ് ഗ്രൂപ്പിന്റെ ഗാനമേള, ഡി കെ ഗ്രൂപ്പിന്റെ ഡാൻസ് എന്നിവ പ്രോഗ്രാമിന് മികവേകി.