ഇസ്രായേൽ ഒരു നിയമലംഘക രാഷ്ട്രം. ദോഹയിലെ ഇസ്രായേൽ ആക്രമണം. അപലപിച്ച് കുവൈത്ത് പാർലമെന്റ് മുൻ സ്പീക്കർ മർസൂഖ് അൽ ഗാനിം

കുവൈത്ത് സിറ്റി: ദോഹയിൽ നടന്ന ഭീരുത്വപരമായ ഇസ്രായേൽ ആക്രമണത്തെ കുവൈത്ത് പാർലമെന്റ്മുൻ സ്പീക്കർ മർസൂഖ് അൽ-ഗാനിം ശക്തമായി അപലപിച്ചു.

ആക്രമണം ഇസ്രായേലിന്റെ യഥാർത്ഥ ഭീകരമുഖം വെളിവാക്കുന്നതാണെന്ന് അദ്ദേഹം പ്രസ്താവിച്ചു.

ഇസ്രായേൽ നിരപരാധികളെ കൊല്ലുകയും ബോംബിടുകയും നഗരങ്ങൾ നശിപ്പിക്കുകയും രക്തം ചിന്തുകയും നിയമങ്ങൾ ലംഘിക്കുകയും ചെയ്യുന്ന ഒരു 'നിയമലംഘക രാഷ്ട്രം' ആണെന്ന് അദ്ദേഹം ആരോപിച്ചു.

 “ഖത്തറിനെയും അവിടുത്തെ ജനങ്ങളെയും എല്ലാ ദുരിതങ്ങളിൽ നിന്നും അല്ലാഹു രക്ഷിക്കട്ടെ.

ഖത്തറിന്റെ സുരക്ഷ ഞങ്ങളുടെ സുരക്ഷ കൂടിയാണ്. ഈ കുറ്റവാളി രാഷ്ട്രത്തിന്റെ ആവർത്തിച്ചുള്ള ആക്രമണങ്ങളെയും അഹങ്കാരത്തെയും ചെറുക്കാൻ അന്താരാഷ്ട്ര സമൂഹം ഒറ്റക്കെട്ടായി നിൽക്കണം,” അദ്ദേഹം കൂട്ടിച്ചേർത്തു.

ഈ നീചമായ പ്രവൃത്തി മേഖലയുടെയും ലോകത്തിന്റെയും സ്ഥിരതയെ തകർക്കുമെന്നും അൽ-ഗാനിം മുന്നറിയിപ്പ് നൽകി.