പൊതുമാപ്പ് കാലാവധി തീര്‍ന്നു; കുവൈത്തില്‍ പരിശോധന ശക്തം; നിരവധി പേര്‍ പിടിയില്‍

കുവൈത്ത് സിറ്റി: പൊതുമാപ്പ് കാലാവധി അവസാനിച്ചതോടെ അനധികൃത താമസക്കാരെ കണ്ടെത്താന്‍ കുവൈത്തില്‍ പരിശോധന ശക്തം. ജിലീബ്, ഫർവാനിയ, ജഹ്‌റ എന്നിവിടങ്ങളിൽ നിന്നായി 750-ലധികം താമസ നിയമ ലംഘകര്‍ പിടിയിലായി.

പരിശോധനാ കാമ്പെയ്‌നുകൾ തുടരുകയാണെന്ന് ആഭ്യന്തര മന്ത്രാലയം വ്യക്തമാക്കി. നിയമപരമായ പ്രത്യാഘാതങ്ങൾ ഒഴിവാക്കാൻ നിയമലംഘകർക്ക് അഭയം നൽകരുതെന്ന് മന്ത്രാലയം എല്ലാവരോടും അഭ്യർത്ഥിച്ചു. 112 എന്ന എമര്‍ജന്‍സി ഹോട്ട്‌ലൈനിലൂടെ നിയമലംഘകരെക്കുറിച്ചുള്ള വിവരങ്ങള്‍ കൈമാറാമെന്നും മന്ത്രാലയം നിര്‍ദ്ദേശിച്ചു.