പലസ്തീനിനും ലെബനനുമെതിരെ ഇസ്രായേൽ നടത്തുന്ന ആക്രമണത്തെ അപലപിച്ച് കുവൈത്ത് മന്ത്രിസഭ, ഐക്യരാഷ്ട്രസഭയുടെ സുരക്ഷാ സമിതി ഇടപെടണമെന്ന് ആവശ്യം

കുവൈത്ത് സിറ്റി: കുവൈത്ത് മന്ത്രിസഭ പ്രതിവാര യോഗം ചേര്‍ന്നു. ദോഹയിൽ നടന്ന മൂന്നാം ഏഷ്യാ കോപ്പറേഷന്‍ ഡയലോഗ് ഉച്ചകോടിയിൽ കുവൈത്തിൻ്റെ സജീവ പങ്കാളിത്തത്തെ കാബിനറ്റ് അഭിനന്ദിച്ചു.

പലസ്തീനിനും ലെബനനുമെതിരെ ഇസ്രായേൽ നടത്തുന്ന ആക്രമണത്തെ ശക്തമായി അപലപിച്ചു. ഈ ആക്രമണം തടയാൻ അടിയന്തര നടപടി സ്വീകരിക്കാൻ അന്താരാഷ്ട്ര സമൂഹത്തോട്, പ്രത്യേകിച്ച് ഐക്യരാഷ്ട്രസഭയുടെ സുരക്ഷാ സമിതിയോട് കുവൈത്ത് ആവശ്യപ്പെട്ടു.

ഐക്യരാഷ്ട്രസഭയുടെ സുരക്ഷാ കൗൺസിൽ, ഉത്തരവാദിത്തങ്ങൾ നിറവേറ്റാനും മേഖലയിലെ ആക്രമണം തടയാൻ അടിയന്തര നടപടികൾ കൈക്കൊള്ളാനും അഭ്യർത്ഥിച്ചു.