കടൽ മാർഗം കുവൈറ്റിലേക്ക് വൻതോതിൽ മയക്കുമരുന്ന് കടത്താൻ ശ്രമം, മൂന്ന് വിദേശികള്‍ അറസ്റ്റില്‍

കുവൈത്ത് സിറ്റി: കടൽ മാർഗം കുവൈറ്റിലേക്ക് വൻതോതിൽ മയക്കുമരുന്ന് കടത്താൻ ശ്രമിച്ച രണ്ട് അഫ്ഗാൻ പൗരന്മാരെയും ഒരു ഇറാന്‍ സ്വദേശിയെയും സുരക്ഷാ ഉദ്യോഗസ്ഥര്‍ അറസ്റ്റു ചെയ്തു. രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് അറസ്റ്റ്.

308 കിലോ ഹാഷിഷ്, 1,000,000 ലിറിക്ക ക്യാപ്‌സ്യൂളുകൾ, 500,000 ക്യാപ്റ്റഗൺ ഗുളികകൾ എന്നിവ പിടിച്ചെടുത്തു. 2.5 ദശലക്ഷം കുവൈത്ത് ദിനാറാണ് ഇതിന്റെ വിപണി മൂല്യം.