ഒ.ഐ.സി.സി. കുവൈറ്റ് മലപ്പുറം ജില്ലാ കമ്മറ്റി എം.പി. ഷാഫി പറമ്പിലിനു നിവേദനം നൽകി

കുവൈറ്റ് സിറ്റി: കുവൈറ്റിൽ ഹൃസ്വ സന്ദർശനാർത്ഥം എത്തിയ വടകര എം.പി. ഷാഫി പറമ്പിലിനു ഒ.ഐ.സി.സി. കുവൈറ്റ് മലപ്പുറം ജില്ലാ കമ്മറ്റി നിവേദനം നൽകി. മലബാർ മേഖലയിലെ പ്രവാസികൾ കുവൈറ്റിൽ നേരിടുന്ന മുഖ്യ പ്രശ്‌നങ്ങളിൽ ഒന്നായ വിമാന യാത്രാ പ്രശ്‌നം പരിഹരിക്കാനായി എം. പി യുടെ ഇടപെടലുകൾ ഉണ്ടാവണമെന്ന് നിവേദനത്തിൽ ആവശ്യപ്പെട്ടു.

ഈ വിഷയത്തിൽ എം.പി. യുടെ ഇടപെടലുകൾ ഉണ്ടാവാനും കുവൈറ്റിലെ ബഡ്‌ജറ്റ്‌ എയർലൈൻസ് ആയ ജസീറ എയർവേയ്‌സ് പോലെയുള്ള വിമാന കമ്പനികൾക്ക് അനുമതി കൊടുക്കാൻ വേണ്ടി അധികാരികളുടെ ശ്രദ്ധ ക്ഷണിക്കാനും നിവേദനത്തിൽ ആവശ്യപ്പെട്ടു. 

ഒ.ഐ.സി.സി നാഷണൽ കമ്മറ്റി പ്രസിഡണ്ട് സാമുവൽ ചാക്കോ, ജനറൽ സെക്രട്ടറി ബി.എസ്. പിള്ള , നാഷണൽ വൈസ് പ്രസിഡന്റ് മുഹമ്മദ് അലി എന്നിവരുടെ അദ്യക്ഷതയിൽ , മലപ്പുറം ജില്ലാ പ്രസിഡണ്ട് ഇസ്‌മായിൽ കൂനത്തിൽ, ജനറൽ സെക്രട്ടറി സഹദ് പുളിക്കൽ, ട്രഷറർ നൗഷാദ് , എക്സിക്യൂട്ടീവ് കമ്മറ്റി അംഗങ്ങളായ , റഫീഖ്, ജംഷീർ , മറ്റു അംഗങ്ങളും ചേർന്ന് നിവേദനം കൈമാറി.