വിദേശകാര്യമന്ത്രി എസ്. ജയശങ്കര്‍ കുവൈത്തില്‍; കിരീടവകാശിയുമായി കൂടിക്കാഴ്ച നടത്തി

കുവൈത്ത് സിറ്റി/ന്യൂഡല്‍ഹി: വിദേശകാര്യമന്ത്രി എസ്. ജയശങ്കര്‍ കുവൈത്ത് കിരീടവകാശി ഷെയ്ഖ് സബാഹ് അൽ ഖാലിദ് അൽ സബാഹ് അൽ ഹമദ് അൽ മുബാറക് അൽ സബാഹുമായി കൂടിക്കാഴ്ച നടത്തി.

രാഷ്ട്രപതി ദ്രൗപദി മുര്‍മുവിന്റെയും, പ്രധാനമന്ത്രി നരേന്ദ്ര മോദിയുടെയും ആശംസകള്‍ കുവൈത്ത് കിരീടവകാശിയെ ജയശങ്കര്‍ അറിയിച്ചു.

നൂറ്റാണ്ടുകള്‍ പഴക്കമുള്ള ബന്ധമാണ് ഇരുരാജ്യങ്ങളും പങ്കിടുന്നത്. സമകാലിക പങ്കാളിത്തം ക്രമാനുഗതമായി വികസിച്ചുകൊണ്ടിരിക്കുകയാണ്. ബന്ധങ്ങളെ ഉയർന്ന തലത്തിലേക്ക് കൊണ്ടുപോകുന്നതിനുള്ള മാർഗ്ഗനിർദ്ദേശത്തിനും ഉൾക്കാഴ്ചകൾക്കും നന്ദി അറിയിക്കുന്നുവെന്നും അദ്ദേഹം പറഞ്ഞു.