കുവൈത്ത് വിമാനത്താവളത്തിൽ നഷ്ട്ടപെട്ട സാധനങ്ങൾ ഇനി സഹേൽ ആപ്പ് വഴി കണ്ടെത്താം

കുവൈത്ത്: എയർപോർട്ടിനുള്ളിലോ വിമാനത്തിലോ യാത്രക്കാർക്ക് നഷ്ടപ്പെട്ട സാധനങ്ങൾ കണ്ടെത്തുന്നതിനായി ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (DGCA) 'സാഹേൽ' (Sahel) എന്ന സർക്കാർ ആപ്ലിക്കേഷനിൽ പുതിയ ഇലക്ട്രോണിക് സേവനം ആരംഭിച്ചു.

ഈ സേവനത്തിന് 'നഷ്ടപ്പെട്ടതും കണ്ടെത്തിയതും' (Lost and Found) എന്നാണ് പേരിട്ടിരിക്കുന്നത്. എയർപോർട്ടിന്റെ പരിസരത്തോ വിമാനത്തിന്റെ അകത്തോ വെച്ച് നഷ്ടപ്പെടുന്ന വ്യക്തിഗത വസ്തുക്കളോ (ബാഗേജുകൾ ഉൾപ്പെടെ) കണ്ടെത്തുന്നതിന് ഇത് യാത്രക്കാരെ സഹായിക്കും.

സാധനങ്ങൾ നഷ്ടപ്പെട്ട യാത്രക്കാർക്ക് ഈ സേവനം ഉപയോഗിക്കാം. ഈ സേവനത്തിൽ, യാത്രക്കാർ ചെക്ക്-ഇൻ ചെയ്ത് രജിസ്റ്റർ ചെയ്ത ലഗേജുകൾ ഉൾപ്പെടുന്നതല്ല. മറ്റൊരാളുടെ പേരിൽ രജിസ്റ്റർ ചെയ്ത ലഗേജുകളും ഇതിൽ ഉൾപ്പെടുന്നില്ല.

ഈ പുതിയ സംരംഭം യാത്രക്കാരുടെ സൗകര്യം മെച്ചപ്പെടുത്താനും സാധനങ്ങൾ നഷ്ടപ്പെടുന്നതിലുള്ള ബുദ്ധിമുട്ടുകൾ ലഘൂകരിക്കാനും ലക്ഷ്യമിടുന്നതായി ഡിജിസിഎ അറിയിച്ചു