ഇസ് ലാഹി മദ്രസ്സ സ്പോർട്സ് ഫെസ്റ്റ് വഫ്രയിൽ സംഘടിപ്പിച്ചു

കുവൈത്ത് സിറ്റി :  ഇന്ത്യൻ ഇസ്ലാഹി സെൻറർ വിദ്യാഭ്യാസ വകുപ്പിന് കീഴിലെ മദ്രസ്സകളുടെ സ്പോർട്സ് ഫെസ്റ്റ് വഫ്രയിലെ വിശാലമായ ഫാം ഹൗസിൽ വർണാഭമായി സംഘടിപ്പിച്ചു. ആവേശകരമായ മത്സരത്തിൽ അബ്ബാസിയ മദ്രസ്സ ഓവറോൾ ചാമ്പ്യന്മാരായി. സാൽമിയ മദ്രസ്സ രണ്ടാം സ്ഥാനവും ഫഹാഹീൽ മദ്രസ്സ മൂന്നാം സ്ഥാനവും കരസ്ഥമാക്കി. 

ഓപ്പൺ ഗ്രൗണ്ടിൽ സംഘടിപ്പിച്ച ജുമുഅ ഖുതുബയ്ക്ക് സുലൈമാൻ മദനി നേതൃത്വം നൽകി. വിദ്യഭ്യാസ സെക്രട്ടറി നബീൽ ഹമീദ്, ഫൈൻ ആർട്സ് സെക്രട്ടറി അബ്ദുൽ റഹ്മാൻ, പി.ടി.എ പ്രസിഡന്റ് ജംഷിദ് എടവണ്ണ, മുഹമ്മദ് കെ സി, മുനീർ കൊണ്ടോട്ടി, ഷുഐയ്ബ് നേലേബ്ര, അബ്ദുൽ ഗഫൂർ ഹവല്ലി, റഹീം തുടങ്ങിയവർ പരിപാടികൾക്ക്  നേതൃത്വം നൽകി.