കുവൈറ്റ് സെന്റ് തോമസ് ഇവാഞ്ചലിക്കല്‍ സഭയുടെ പ്രിസൈഡിങ്ങ് ബിഷപ്പ് മോസ്റ്റ് റവ. ഡോ . തോമസ് എബ്രഹാം ഹൃസ്വ സന്ദർശനത്തിനായി കുവൈറ്റിൽ എത്തി

കുവൈറ്റ്: സെന്റ് തോമസ് ഇവാഞ്ചലിക്കല്‍ സഭയുടെ പ്രിസൈഡിങ്ങ് ബിഷപ്പ് മോസ്റ്റ് റവ. ഡോ തോമസ് എബ്രഹാം ഹൃസ്വ സന്ദർശനത്തിനായി കുവൈറ്റിൽ എത്തി ചേർന്നു. ഇടവക വികാരി റവ. സിബി പി .ജെ യും   കമ്മറ്റി അംഗങ്ങളും ചേർന്നു ബിഷപ്പിനെ കുവൈറ്റ്  വിമാനത്താവളത്തിൽ സ്വീകരിച്ചു . 

കുവൈറ്റ്  ടൗൺ മലയാളി ക്രിസ്ത്യൻ കോൺഗ്രിഗേഷൻ (കെ.ടി.എം.സി.സി) യുടെ 10-മത്  ടാലെന്റ്റ് ടെസ്റ്റ് സമാപന സമ്മേളനം ഉദ്ഘാടനം   ചെയ്യും . സെപ്റ്റംബർ അഞ്ചിന് വൈകിട്ട് ആറുമണിക്ക് കുവൈറ്റിലെ നാഷണൽ ഇവാഞ്ചലിക്കല്‍ ചർച്ചിൽ വച്ച് നടത്തപ്പെടുന്ന കുവൈറ്റ്‌ ഇടവകയുടെ 60-ാ൦മത് ഇടവക ദിനവും, ഒരു വ൪ഷം നീണ്ടു നിൽക്കുന്ന  വജ്ര ജൂബിലി ആഘോഷ  പരിപാടികളുടെ ഉദ്ഘാടനവും നിർവഹിക്കുകയും ഇടവക ദിന ആരാധനയ്ക്കു നേതൃത്വം നൽകുകയും ചെയ്യും .

സെപ്റ്റംബർ 06  മുതൽ 16  വരെ നടക്കുന്ന ഇടവകയുടെ വിവിധ മീറ്റിംഗുകൾക്കു  അഭിവന്ദ്യ  തിരുമേനി   നേത്രത്വം നൽകും .സെപ്റ്റംബർ 12  നു   നടക്കുന്ന സ്ഥിരീകരണ ശുശ്രുഷക്ക് മുഖ്യ കാർമികത്വം  വഹിക്കും