മസ്കത്ത്: സമുദ്ര പരിസ്ഥിതി സംരക്ഷിക്കാനുള്ള ശ്രമങ്ങളുടെ ഭാഗമായി ദോഫാർ ഗവർണറേറ്റിലെ മിർബാത്ത് വിലായത്തിലെ പവിഴപ്പുറ്റുകളെ വൃത്തിയാക്കാൻ പരിസ്ഥിതി അതോറിറ്റി (ഇ.എ) കാമ്പയിൻ നടത്തി. മത്സ്യബന്ധന വലകളും മറ്റ് പ്ലാസ്റ്റിക് മാലിന്യങ്ങളും നീക്കം ചെയ്തു. സന്നദ്ധപ്രവർത്തകർ, താമസക്കാർ, അറബ് ബീച്ച് ഡൈവിങ് ക്ലബിലെ അംഗങ്ങൾ എന്നിവർ പങ്കെടുത്തു. ഗവർണറേറ്റിലെ പരിസ്ഥിതി ഡയറക്ടറേറ്റ് ജനറൽ പ്രതിനിധീകരിക്കുന്ന എൻവയോൺമെന്റ് അതോറിറ്റി നാല് ദിവസങ്ങളിലായാണ് കാമ്പയിൻ സംഘടിപ്പിച്ചത്.