ഹൃദയാഘാതത്തെ തുടർന്ന് മലപ്പുറം സ്വദേശി ഒമാനിലെ ജയിലിൽ മരിച്ചെന്ന് റിപ്പോര്‍ട്ട്‌

മസ്കത്ത്​: ​ മലപ്പുറം സ്വദേശി ഒമാനിലെ ജയിലിൽ ഹൃദയാഘാതത്തെ തുടർന്ന് നിര്യാതനായി. തേഞ്ഞിപ്പലം പുത്തൂർ പള്ളിക്കലിലെ പണിക്കാറത്ത്​ ​മേലെ വീട്ടിൽ അഹമ്മദ്​​ കുട്ടിയുടെ മകൻ അബ്​ദുൽ റസാഖാണ് (50) മരിച്ചത്. സമാഇലിൽ ജയിലിൽ നാല്​ ദിവസങ്ങൾക്ക്​ മുമ്പ്​ മരിച്ചെന്നാണ് ബന്ധുക്കള്‍ക്ക് ലഭിച്ച വിവരം.

ഇദ്ദേഹത്തെ ജയിലില്‍ വെച്ച് പരിചയപ്പെട്ട മറ്റൊരു മലയാളിയാണ് പുറത്തിറങ്ങിയശേഷം മരണവിവരം കെഎംസിസിയെ അറിയിച്ചത്. കെഎംസിസിയാണ് ബന്ധുക്കളെ വിവരം അറിയിച്ചത്.

സാമ്പത്തിക ഇടപാടുമായി ബന്ധപ്പെട്ട്​ നാല് മാസങ്ങൾക്ക്​ മുമ്പാണ്​ ജയിലിലാകുന്നത്. കോവിഡ്​ കാലത്തെ റൂം വാടകയും മറ്റുമടക്കം വലിയ ഒരു സാമ്പത്തിക ബാധ്യത ഇദ്ദേഹത്തിനുണ്ടായിരുന്നുവെന്ന്​ ബന്ധുകൾ പറഞ്ഞു.