യുഎസിൽ രാജ്യവ്യാപകമായി 800 പേരിൽ അഞ്ചാംപനി സ്ഥിരീകരിച്ചു

ന്യൂയോർക് : വെള്ളിയാഴ്ച വരെ യുഎസിൽ രാജ്യവ്യാപകമായി 800 പേർക്ക് അഞ്ചാംപനി സ്ഥിരീകരിച്ചു. ഈ ആഴ്ച രണ്ട് സംസ്ഥാനങ്ങളിൽ കൂടി പകർച്ചവ്യാധി തിരിച്ചറിഞ്ഞിട്ടുണ്ട്. സജീവ പകർച്ചവ്യാധികളുള്ള മറ്റ് സംസ്ഥാനങ്ങൾ - ഇന്ത്യാന, കാൻസസ്, മിഷിഗൻ, ഓക്‌ലഹോമ, ഒഹായോ, പെൻസിൽവേനിയ, ന്യൂമെക്സിക്കോ എന്നിവ ഉൾപ്പെടുന്നു.

2024-ൽ യുഎസിൽ കണ്ടതിന്റെ ഇരട്ടിയിലധികം അഞ്ചാംപനി കേസുകൾ ഉണ്ട്. വായുവിലൂടെ പകരുന്നതും രോഗബാധിതനായ ഒരാൾ ശ്വസിക്കുമ്പോഴോ തുമ്മുമ്പോഴോ ചുമയ്ക്കുമ്പോഴോ എളുപ്പത്തിൽ പടരുന്നതുമായ ഒരു പകർച്ചവ്യാധിയാണ് അഞ്ചാംപനി. വാക്സീനുകൾ വഴി ഇത് തടയാൻ കഴിയും.

ടെക്സസിലാണ് ഉയർന്ന സംഖ്യ. വെസ്റ്റ് ടെക്സസിൽ കേന്ദ്രീകരിച്ച് 597 കേസുകൾ റിപ്പോർട്ട് ചെയ്തു. ടെക്സസിൽ അഞ്ചാംപനി സംബന്ധമായ അസുഖങ്ങൾ മൂലം വാക്സിനേഷൻ എടുക്കാത്ത രണ്ട് കുട്ടികൾ മരിച്ചു. ന്യൂമെക്സിക്കോയിൽ വാക്സിനേഷൻ എടുക്കാത്ത ഒരു മുതിർന്നയാൾ അഞ്ചാംപനിയെ തുടർന്ന് മരിച്ചു.

ചൊവ്വാഴ്ച മുതൽ വെള്ളിയാഴ്ച 36 പുതിയ മീസിൽസ് കേസുകൾ റിപ്പോർട്ട് ചെയ്തതായി ടെക്സസ് സംസ്ഥാന ആരോഗ്യ ഉദ്യോഗസ്ഥർ പറഞ്ഞു. ഇതോടെ 25 കൗണ്ടികളിലായി ആകെ 597 ആയി - ഇതിൽ ഭൂരിഭാഗവും വെസ്റ്റ് ടെക്സസിലാണ്. നാല് ടെക്സുകാരെ കൂടി ആശുപത്രിയിൽ പ്രവേശിപ്പിച്ചു. വടക്കേ അമേരിക്കയിൽ, കാനഡയിലെ ഒന്റാറിയോയിൽ ഒക്ടോബർ പകുതി മുതൽ ഏപ്രിൽ 16 വരെ 925 പേർക്ക് രോഗം ബാധിച്ചു.