66 വർഷത്തെ സേവനം: കെനായ് ഏവിയേഷൻ അടച്ചുപൂട്ടൽ പ്രഖ്യാപിച്ചു

അലാസ്ക: 66 വർഷത്തെ സുദീർഘമായ സേവനത്തിന് ശേഷം അമേരിക്കൻ എയർലൈനായ കെനായ് ഏവിയേഷൻ (കേനായി അവയേഷൻ) ഉടൻ പ്രാബല്യത്തിൽ വരുന്ന രീതിയിൽ അടച്ചുപൂട്ടൽ പ്രഖ്യാപിച്ചു. 'സാമ്പത്തികമായി പാപ്പരത്തം' പ്രഖ്യാപിച്ച എയർലൈൻ എല്ലാ വിമാന സർവീസുകളും റദ്ദാക്കി.

1959-ൽ സ്ഥാപിതമായ ഈ വിമാനക്കമ്പനി, അലാസ്കയിലെ ഫെയർബാങ്ക്സ്, ഗ്ലെന്നല്ലെൻ, ഹോമർ, സെവാർഡ്, കെനായ്, വാൽഡെസ്, ഉനലക്ലീറ്റ് എന്നിവയുൾപ്പെടെ നിരവധി കമ്യൂണിറ്റികൾക്ക് സേവനം നൽകിയിരുന്നു.

എയർലൈൻ അടച്ചുപൂട്ടുന്നതുമായി ബന്ധപ്പെട്ട് ഉടമ ജോയൽ കാൾഡ്‌വെൽ ഒരു പ്രസ്താവന പുറത്തിറക്കി. കമ്പനിയുടെ ഇപ്പോഴത്തെ അവസ്ഥയെക്കുറിച്ച് അദ്ദേഹം ആശങ്ക പങ്കുവച്ചു: 'എല്ലാ പ്രവർത്തന അളവുകോലുകളും അനുസരിച്ച്, കെനായ് ഏവിയേഷൻ വിജയകരമാണ്. പക്ഷേ, ഞങ്ങൾ സാമ്പത്തികമായി പാപ്പരത്തത്തിലാണ്.'