ബ്രിട്ടീഷ് ബോക്സിങ് ഇതിഹാസം റിക്കി ഹാട്ടണ്‍ മരിച്ച നിലയില്‍

മാഞ്ചസ്ററര്‍: ബോക്സിങ് ഇതിഹാസം റിക്കി ഹാട്ടണ്‍ അന്തരിച്ചു. 46 വയസായിരുന്നു. ഗ്രേറ്റര്‍ മാഞ്ചസ്റററിലെ വീട്ടില്‍ മരിച്ച നിലയില്‍ കണ്ടെത്തുകയായിരുന്നു. മാഞ്ചസ്ററര്‍ പൊലീസ് പറയുന്നത് അനുസരിച്ച് 2025 സെപ്റ്റംബര്‍ 14 ന് പുലര്‍ച്ചെ 6.45 ന് നടന്ന മരണത്തില്‍ ദുരൂഹതയില്ല.

" ദി ഹിറ്റ്മാന്‍' എന്ന വിളിപ്പേര് നേടിയ ഹാട്ടണ്‍, ലൈറ്റ്~വെല്‍റ്റര്‍ വെയ്റ്റ്, വെല്‍റ്റര്‍ വെയ്റ്റ് വിഭാഗങ്ങളില്‍ ലോക കിരീടങ്ങള്‍ സ്വന്തമാക്കിയ 21ാം നൂറ്റാണ്ടിലെ ജനപ്രിയ താരമായിരുന്നു. ഈ വര്‍ഷം ഡിസംബറില്‍ ദുബൈയില്‍ ഈസ അല്‍ ദാഹിനെതിരെ നടക്കാനിരുന്ന പ്രൊഫഷണല്‍ മത്സരത്തിലൂടെ ബോക്സിങ് കരിയറിലേയ്ക്ക് തിരിച്ചു വരാന്‍ ഹാട്ടണ്‍ ഒരുങ്ങിയിരുന്നു. 2008ലെ തോല്‍വിയ്ക്കു ശേഷം 2012ല്‍ വിരമിച്ചിട്ടും മടങ്ങി വരവിനായി പരിശീലനം നടത്തി വരികയായിരുന്നു ഹാട്ടണ്‍. അദ്ദേഹത്തിന്‍റെ അപ്രതീക്ഷിത വിയോഗം ബോക്സിങ് ലോകത്ത് ഞെട്ടലുളവാക്കി.