എട്ട് യുദ്ധങ്ങൾ അവസാനിപ്പിച്ചു, അനധികൃത കുടിയേറ്റം തടഞ്ഞു: ട്രംപ്

വാഷിങ്ടൺ: തന്റെ ഭരണനേട്ടങ്ങൾ എണ്ണിപ്പറഞ്ഞ് അമേരിക്കൻ പ്രസിഡന്റ് ഡോണൾഡ് ട്രംപ്. വൈറ്റ് ഹൗസിൽ രാജ്യത്തെ അഭിസംബോധന ചെയ്‌് സംസാരിക്കവേയാണ് അദ്ദേഹം തന്റെ ഭരണനേട്ടങ്ങൾ വിശദീകരിച്ചത്. അനധികൃത കുടിയേറ്റം തടയുന്നതിലും ആഗോള സമാധാനം ഉറപ്പാക്കുന്നതിലും തൻ്റെ സർക്കാർ വലിയ വിജയമാണെന്ന് അദ്ദേഹം അവകാശപ്പെട്ടു.

അനധികൃത കുടിയേറ്റക്കാർക്കെതിരെ കർശന നടപടി സ്വീകരിച്ചതോടെ രാജ്യം കൂടുതൽ സുരക്ഷിതമായതായി ട്രംപ് പറഞ്ഞു. രാജ്യത്തെ മയക്കുമരുന്ന് കടത്ത് 90 ശതമാനം വരെ കുറയ്ക്കാൻ തന്റെ ഭരണകൂടത്തിന് സാധിച്ചതായും അദ്ദേഹം അവകാശപ്പെട്ടു. കൂടാതെ, കഴിഞ്ഞ പത്ത് മാസത്തിനിടെ ലോകത്തിന്റെ വിവിധ ഭാഗങ്ങളിലായി എട്ട് യുദ്ധങ്ങൾ അവസാനിപ്പിക്കാൻ അമേരിക്കയുടെ ഇടപെടലുകളിലൂടെ സാധിച്ചതായും അദ്ദേഹം വ്യക്തമാക്കി.

മുൻ ഭരണകാലത്തേക്കാൾ വിലക്കയറ്റം കുറയ്ക്കാനും ജനങ്ങളുടെ വേതനം വർധിപ്പിക്കാനും സാധിച്ചു. സ്വകാര്യ മേഖലയിൽ വലിയ തോതിൽ തൊഴിലവസരങ്ങൾ സൃഷ്ടിക്കപ്പെട്ടു. നികുതിയിളവുകളിലൂടെ പൗരന്മാരുടെ ജീവിതനിലവാരം മെച്ചപെട്ടു. ശരാശരി ഒരു വ്യക്തിക്ക് പ്രതിവർഷം 11,000 ഡോളർ വരെ അധികമായി സമ്പാദിക്കാവുന്ന സാഹചര്യം ഒരുങ്ങി. ഇൻഷുറൻസ് കമ്പനികളുടെ അമിത ലാഭം നിയന്ത്രിച്ചുകൊണ്ട്, കുറഞ്ഞ ചെലവിൽ മെച്ചപ്പെട്ട ആരോഗ്യ ഇൻഷുറൻസ് സേവനങ്ങൾ ജനങ്ങൾക്ക് ലഭ്യമാക്കി. അമേരിക്കൻ പൗരന്മാർക്ക് കൂടുതൽ തൊഴിൽ സുരക്ഷ ഉറപ്പാക്കാൻ കഴിഞ്ഞത് തന്റെ സർക്കാരിന്റെ വലിയ വിജയമാണെന്നും.