Advertisment

യുഎസ് പ്രതിരോധ സെക്രട്ടറിയായി ഹെഗ്‌സെത് നിയമതിനായി; നിർണായകമായത് വൈസ് പ്രസിഡന്‍റിന്‍റെ കാസ്റ്റിങ് വോട്ട്

New Update
Ffhhbn

വാഷിങ്ടൻ ഡിസി : യുഎസ് പ്രസിഡന്‍റ് ഡോണൾഡ് ട്രംപിന്‍റെ വിശ്വസ്തനും റിപ്പബ്ലിക്കൻ അനുകൂല ചാനലായ ഫോക്സ് ന്യൂസിലെ അവതാരകനുമായ ഹെഗ്‌സെതിനെ (44) യുഎസ് പ്രതിരോധ സെക്രട്ടറിയായി സെനറ്റ് അംഗീകരിച്ചു. സെനറ്റ് വോട്ടെടുപ്പിൽ 50–50 എന്ന നില വന്നതോടെ വൈസ് പ്രസിഡന്‍റ് ജെ.ഡി. വാൻസ് കാസ്റ്റിങ് വോട്ടുചെയ്തു. സെനറ്റ് പ്രസിഡന്‍റ് കൂടിയാണ് വൈസ് പ്രസിഡന്‍റ്. 

Advertisment

ലൈംഗിക അതിക്രമം, അമിത മദ്യപാനം, സാമ്പത്തിക ക്രമക്കേട് തുടങ്ങിയ ആരോപണങ്ങൾ നേരിട്ട വ്യക്തയാണ് പീറ്റ് ഹെഗ്‌സെത്. ഡെമോക്രാറ്റുകൾക്കു പുറമേ 3 റിപ്പബ്ലിക്കൻ പ്രതിനിധികളും സ്വതന്ത്രനും ഹെഗ്സെത്തിന് എതിരായതോടെയാണ് തുല്യനിലയിലായത്. ചരിത്രത്തിൽ 2 തവണമാത്രമാണ് പ്രധാന തസ്തികയിലെ നിയമനത്തിനുള്ള വോട്ടെടുപ്പിൽ സമനില വരുന്നത്. 2017 ൽ ട്രംപ് നിയമിച്ച വിദ്യാഭ്യാസ സെക്രട്ടറി ബെറ്റ്സി ഡെവോസും ഇങ്ങനെയാണ് കടന്നുകൂടിയത്.

Advertisment