ഇന്ത്യയുടേത് അന്യായ വ്യാപാരം: യുഎസ്

വാഷിങ്ടണ്‍: റഷ്യയിലെ റിഫൈനറികളുമായി ഇന്ത്യ അടുത്ത ബന്ധം പുലര്‍ത്തുന്നുവെന്ന് വൈറ്റ് ഹൗസ് വ്യാപാര ഉപദേഷ്ടാവ് പീറ്റര്‍ നവാരോ. വ്യാപാര ചര്‍ച്ചകള്‍ക്കു വേണ്ടി അമെരിക്കന്‍ പ്രതിനിധി സംഘം ചൊവ്വാഴ്ച ഡല്‍ഹിയിലെത്താനിരിക്കെയാണ് ഇന്ത്യക്കെതിരേ പരാമര്‍ശവുമായി നവാരോ രംഗത്തെത്തിയിരിക്കുന്നത്.

അന്യായമായ വ്യാപാരത്തിലൂടെ ഇന്ത്യ അമെിരിക്കയില്‍ നിന്നും പണം സമ്പാദിക്കുന്നുവെന്നും നിരവധി തൊഴിലാളികള്‍ ഇതു മൂലം വഞ്ചിക്കപ്പെടുന്നുവെന്നും നവാരോ പറഞ്ഞു.

റഷ്യയില്‍ നിന്നും എണ്ണ വാങ്ങുന്നതിനായി ആ പണം ഉപയോഗിക്കുന്നുവെന്നും റഷ്യക്കാര്‍ ആയുധങ്ങള്‍ വാങ്ങാന്‍ ഇത് ഉപയോഗിക്കുന്നുവെന്നും അദ്ദേഹം കൂട്ടിച്ചേര്‍ത്തു. ഒരു ദേശീയ മാധ്യമത്തിനു നല്‍കിയ അഭിമുഖത്തിലാണ് നവാരോ ഇക്കാര്യങ്ങള്‍ പറഞ്ഞത്.