സ്വിറ്റ്സർലൻഡിൽ വാഹനാപകടത്തിൽ പരിക്കേറ്റ് ചികിത്സയിലായിരുന്ന മലയാളി നഴ്സ് മരണമഞ്ഞു

സൂറിക്ക്: സ്വിറ്റ്സർലൻഡ്ൽ വാഹനാപകടത്തിൽ പരുക്കേറ്റ് ചികിത്സയിലായിരുന്ന നേഴ്സ് തൃശൂർ എലിഞ്ഞിപ്ര സ്വദേശി ബിന്ദു മാളിയക്കൽ (46) മരണമടഞ്ഞു. തൃശൂർ വെളയനാട് പരേതരായ കാഞ്ഞിരപ്പറമ്പിൽ അന്തോണിയുടെയും റോസി അന്തോണിയുടെയും ഇളയ മകളും, തൃശൂർ എലിഞ്ഞിപ്ര സ്വദേശി ബിജു മാളിയേക്കലിന്റെ ഭാര്യയുമായ ബിന്ദു മാളിയക്കലിന് ഒക്ടോബർ 1 ബുധനാഴ്ച്ച ജോലിക്ക് പോകുന്ന വഴിയിലാണ് അപകടം സംഭവിച്ചത്.

സ്വിറ്റ്സർലൻഡിലെ സെന്റ് ഉർബനിൽ പെഡസ്ട്രിയൻ ക്രോസ്സിൽ അമിത വേഗതയിലെത്തിയ വാഹനം ബിന്ദുവിനെ ഇടിക്കുകയായിരുന്നു. ഉടൻ തന്നെ ഹോസ്പിറ്റലിൽ എത്തിക്കുകയും തുടർന്ന് ബേണിലെ മറ്റൊരു ഹോസ്പിറ്റിലിലേക്ക് തീവ്ര പരിചരണത്തിനായി മാറ്റുകയും ചെയ്തു. ചികിത്സയിൽ കഴിയുന്നതിനിടെ ഒക്റ്റോബർ 5 ഞാറാഴ്ച്ചയാണ് മരണം സംഭവിച്ചത്.

ബി എസ് സി നഴ്സിങ് പഠന ശേഷം 22 വർഷങ്ങൾക്ക് മുൻപ് ഓസ്ട്രിയയിൽ എത്തിയ ബിന്ദു മാളിയക്കൽ നഴ്‌സിങ് മേഖലയിൽ ജോലി ചെയ്യുകയായിരുന്നു. തുടർന്ന് രണ്ട് വർഷം മുമ്പ് സ്വിറ്റ്സർലൻഡിൽ ജോലിയിൽ പ്രവേശിച്ചു.