ട്രംപിന്റെ ആദ്യ 100 ദിവസത്തിൽ ഒരു ലക്ഷത്തിലധികം ഫെഡറൽ ജീവനക്കാരെ പിരിച്ചുവിട്ടതായി റിപ്പോർട്ട്

ന്യൂയോർക്ക് : ട്രംപിന്റെ ആദ്യ 100 ദിവസങ്ങളിൽ 30 ഏജൻസികളിൽ നിന്നും കുറഞ്ഞത് 121,000 ഫെഡറൽ ജീവനക്കാരെ പിരിച്ചു വിട്ടതായി റിപ്പോർട്ട്. പ്രസിഡന്റ് ഡോണൾഡ് ട്രംപിന്റെ രണ്ടാം ടേം ആരംഭിച്ചതിന് മൂന്ന് മാസത്തിനുള്ളിൽ പിരിച്ചുവിട്ടവരുടെ കണക്കുകളാണിത്.

വ്യാപകമായ പിരിച്ചുവിടലുകളുടെ ഫലം ഇതിനകം രാജ്യത്തുടനീളം ഒരു തരംഗമായി മാറിയിട്ടുണ്ട് വിദ്യാഭ്യാസം, ആരോഗ്യ സംരക്ഷണം, ഗതാഗതം, പൊതു സുരക്ഷ എന്നിവയിൽ പൊതു ആവശ്യങ്ങൾ നിറവേറ്റാനുള്ള സർക്കാരിന്റെ ശേഷിയെക്കുറിച്ച് ചോദ്യങ്ങൾ ഉയർത്തിയിട്ടുണ്ടെന്ന് വിദഗ്ധർ പറഞ്ഞു.

വെറ്ററൻസ് അഫയേഴ്‌സ് വകുപ്പ് കുറഞ്ഞത് 70,000 ആളുകളെ പിരിച്ചുവിട്ടിട്ടുണ്ട്. ഇത് മൊത്തം ജീവനക്കാരുടെ ഏകദേശം 15% വരും. പ്രതിരോധ വകുപ്പിന് ശേഷം രണ്ടാമത്തെ വലിയ ഫെഡറൽ വകുപ്പാണ് വിഎ.

2025 ന്റെ ആദ്യ പാദത്തിൽ ഫെഡറൽ ഗവൺമെന്റ് പിരിച്ചുവിടലുകൾ റീട്ടെയിൽ, ടെക്നോളജി എന്നിവയുൾപ്പെടെ മറ്റേതൊരു യുഎസ് വ്യവസായത്തേക്കാളും മുന്നിലാണെന്ന് റിപ്പോ‍ർട്ട്