അലബാമ: നിപ വൈറസിന്റെ ഇനത്തില്പ്പെടുന്ന ക്യാമ്പ് ഹില് വൈറസ് ബാധ യുഎസില് റിപ്പോര്ട്ട് ചെയ്തു. ഈ മാരക വൈറസ് യുഎസില് സ്ഥിരീകരിക്കപ്പെടുന്നത് ഇതാദ്യമാണ്. ക്യൂന്സ്ലാന്ഡ് യൂണിവേഴ്സിറ്റിയിലെ ഒരുസംഘം ഗവേഷകരാണ് വൈറസിന്റെ സാന്നിധ്യം തിരിച്ചറിഞ്ഞത്.
നിപ വൈറസ് പോലെ വവ്വാലുകളാണ് ക്യാമ്പ് ഹില് വൈറസിന്റെയും വാഹകര്. വവ്വാലുകളില് നിന്ന് മനുഷ്യരിലേക്കും മറ്റു മൃഗങ്ങളിലേക്കും വൈറസ് പകരാനിടയുണ്ട്. കാനഡയിലും അമേരിക്കയിലും കാണപ്പെടുന്ന നോര്ത്തേണ് ഷോര്ട്ട് ടെയില്ഡ് ഷ്യ്രൂ എന്ന ചെറിയ സസ്തനിയിലാണ് നിലവില് വൈറസിന്റെ സാന്നിധ്യം കണ്ടെത്തിയത്.
ഹെനിപാവൈറസ് കുടുംബത്തിന്റെ ഭാഗമായ ക്യാമ്പ് ഹില് വൈറസ് വിചാരിച്ചതിലും കൂടുതല് വ്യാപിക്കുമെന്ന ആശങ്ക ഉയര്ത്തുന്നു. 'പാരാമിക്സോവൈറിഡേ' എന്ന വൈറസ് കുടുംബത്തില് വരുന്നതാണ് ക്യാംപ് ഹില് വൈറസ്. നിപയേപ്പോലെതന്നെ നാഡികളെയും ശ്വാസകോശത്തെയും ഇത് ബാധിക്കും. കൂടാതെ രോഗിയുടെ മരണത്തിനും ഈ വൈറസ് കരമാകും. തലവേദന, ക്ഷീണം, പനി, പേശിവേദന തുടങ്ങിയവയാണ് വൈറസ് ബാധയുടെ പൊതുവായ ലക്ഷണങ്ങള്. എന്നാല് ചികിത്സിക്കാന് വൈകിയാല് മസ്തിഷ്കജ്വരത്തിന് കാരണമാകും.