ഗാനവ്യ ദൊരൈസ്വാമിയുടെ മറാത്തി പ്രാർഥനാ ഗീതത്തിന് ഒബാമയുടെ പ്രശംസ

കലിഫോർണിയ: മുൻ അമേരിക്കൻ പ്രസിഡന്റ് ബറാക് ഒബാമയുടെ 2025-ലെ പ്രിയപ്പെട്ട പാട്ടുകളുടെ പട്ടികയിൽ ഇന്ത്യൻ വംശജയായ ഗാനവ്യ ദൊരൈസ്വാമി ഇടംപിടിച്ചു. പരമ്പരാഗത മറാത്തി പ്രാർഥനയായ "പസായദാൻ" എന്ന ഗാനത്തിന്റെ പുനരാവിഷ്കാരമാണ് ഒബാമയെ ആകർഷിച്ചത്. കെൻഡ്രിക് ലാമർ, ലേഡി ഗാഗ തുടങ്ങിയ ലോകപ്രശസ്ത താരങ്ങൾക്കൊപ്പമാണ് ഗാനവ്യയും ഈ പട്ടികയിൽ സ്‌ഥാനം നേടിയത്.

തമിഴ്നാട്ടിൽ ജനിച്ച ഗാനവ്യ, ന്യൂയോർക്കിലും കലിഫോർണിയയിലുമായാണ് വളർന്നത്. ഗായിക, സംഗീതസംവിധായിക, കലാകാരി എന്നീ നിലകളിൽ പ്രശസ്‌തയാണ്. ദക്ഷിണേന്ത്യൻ ശാസ്ത്രീയ സംഗീതം, നാടൻ പാട്ടുകൾ, ജാസ്, ആധുനിക സംഗീതം എന്നിവ സമന്വയിപ്പിച്ചുകൊണ്ടുള്ളതാണ് ഗാനവ്യയുടെ ശൈലി.

സൈക്കോളജിയിലും തിയേറിലും ബിരുദം നേടിയ ശേഷം ബെർക്ലി കോളജ് ഓഫ് മ്യൂസിക്കിൽ നിന്ന് സംഗീതത്തിൽ ബിരുദാനന്തര ബിരുദവും ഹാർവാർഡ് സർവകലാശാലയിൽ നിന്ന് പിഎച്ച്ഡിയും നേടി. 2025ൽ പുറത്തിറങ്ങിയ ഈ ആൽബത്തിലെ 'പസായദാൻ' എന്ന ഗാനമാണ് ഒബാമയുടെ ശ്രദ്ധ നേടിയത്.

ഗ്രാമി പുരസ്ക്‌കാരം നേടിയ പല പ്രോജക്റ്റുകളിലും ഗാനവ്യ പ്രവർത്തിച്ചിട്ടുണ്ട്. ലാറ്റിൻ ഗ്രാമി (ലാറ്റിൻ ഗ്രാമി) നേടുന്ന ആദ്യ തമിഴ് വരികൾ എഴുതി ആലപിച്ചതും ഗാനവ്യയാണ്. 'ഐക്യം ഒന്ന്' (ഐക്യം ഒന്ന്), 'ഡോട്ടർ ഓഫ് എ ടെംപിൾ' (ഡോട്ടർ ഓഫ് എ ടെംപ്ള) എന്നിവ ശ്രദ്ധേയമായ ആൽബങ്ങളാണ്. ഇതിൽ 'ഡോട്ടർ ഓഫ് എ ടെംപിൾ' ബിബിസി തിരഞ്ഞെടുത്ത ആ വർഷത്തെ മികച്ച ആൽബങ്ങളിൽ ഒന്നായിരുന്നു. സമൂഹവും സംഗീതവും പരീക്ഷണങ്ങളും ഒത്തുചേരുന്ന ഒരപൂർവ്വ കലാകാരി എന്നാണ് ഗാനവ്യയെ സംഗീത ലോകം വിശേഷിപ്പിക്കുന്നത്.