യുഎസിലെ പള്ളിയില്‍ വെടിവയ്പ്പ്

ഗ്രാന്‍ഡ് ബ്ളാങ്ക്: യുഎസിലെ മിഷിഗണില്‍ ജനക്കൂട്ടത്തിനു നേരെയുണ്ടായ വെടിവയ്പ്പില്‍ നിരവധി പേര്‍ കൊല്ലപ്പെട്ടതായി റിപ്പോര്‍ട്ട്. നാലു പേരുടെ മരണം സ്ഥിരീകരിച്ചിട്ടുണ്ട്. എട്ടു പേര്‍ പരുക്കേറ്റ് ചികിത്സയിലാണ്.

ഗ്രാന്‍ഡ് ബ്ളാങ്കിലെ ചര്‍ച്ച് ഒഫ് ജീസസ് ൈ്രകസ്ററി ഓഫ് ലാറ്റര്‍ ഡേ സെയിന്‍റ്സിലാണ് വെടിവയ്പ്പുണ്ടായത്. പള്ളിയില്‍ തീ പടര്‍ന്നു പിടിച്ചതായി പൊലീസ് സ്ഥിരീകരിച്ചു. പള്ളിയില്‍ നിന്ന് പുക ഉയരുന്ന ചിത്രങ്ങള്‍ പുറത്തു വന്നിട്ടുണ്ട്. അക്രമിയെ പിടി കൂടിയെന്നും നിലവില്‍ അപകടാവസ്ഥ ഇല്ലെന്നും പൊലീസ് പറയുന്നു. എന്നാല്‍ അക്രമിയുടെ വിശദാംശങ്ങളോ മരണപ്പെട്ടവരുടെ വിശദാംശങ്ങളോ പുറത്തു വിട്ടിട്ടില്ല.