ഐ സി ഇ കസ്റ്റഡിയിലുളള ഇന്ത്യൻ വംശജരുടെ എണ്ണത്തിൽ ഗണ്യമായ വർധന

യുഎസ് ഇമിഗ്രെഷൻ ആൻഡ് കസ്റ്റംസ് എൻഫോഴ്‌സ്‌മെന്റ് (ഐ സി ഇ) കസ്റ്റഡിയിലുളള ഇന്ത്യൻ വംശജരുടെ എണ്ണത്തിൽ ഗണ്യമായ വർധന ഉണ്ടായെന്നു ഏജൻസിയുടെ കണക്കുകൾ തെളിയിക്കുന്നു. ഡിസംബർ 19നു തയാറാക്കിയ 2024 സാമ്പത്തിക വർഷത്തെ റിപ്പോർട്ട് അനുസരിച്ചു ഐ സി ഇ കസ്റ്റഡിയിലുള്ള ഇന്ത്യൻ പൗരന്മാർ 2,647 പേരാണ്.

ഇത് നാലാം സ്ഥാനമാണ്. ഒന്നാമത് മെക്സിക്കൻ വംശജരാണ്: 5,089. അവർക്കു പിന്നിൽ ഹോണ്ടുറാസും(2,957) ഗോട്ടിമാലയും (2,713).കൂടുതൽ കർശനമായി ഇമിഗ്രെഷൻ നിയമങ്ങൾ നടപ്പാക്കുന്നുവെന്നു ഐ സി ഇ പറയുന്നു. 2024ൽ 1,529 ഇന്ത്യക്കാരെ നാടുകടത്തി. 2021ൽ വെറും 292 പേരെയാണ് നാടുകടത്തിയത്.  

ഐ സി ഇ ഡാറ്റ അനുസരിച്ചു 2024 നവംബറിൽ നാടുകടത്തേണ്ട 17,940 ഇന്ത്യക്കാർ കസ്റ്റഡിയിൽ എത്താനുണ്ട്. അവർ നിരീക്ഷണത്തിലാണ്. അനധികൃതമായി എത്തുന്ന ഇന്ത്യക്കാർ കൂടുതൽ വെല്ലുവിളി നേരിടും എന്നതാണ് ഇതിന്റെ സൂചന.