താരിഫുകളിൽ നിന്ന് സ്മാർട്ട്‌ഫോണുകൾ, കമ്പ്യൂട്ടറുകൾ, ഇലക്ട്രോണിക്‌സ് എന്നിവ ഒഴിവാക്കി

വാഷിംഗ്ടൺ ഡി.സി: പ്രസിഡന്റ് ട്രംപിന്റെ പരസ്പര താരിഫുകളിൽ നിന്ന് സ്മാർട്ട്‌ഫോണുകൾ, കമ്പ്യൂട്ടറുകൾ, മറ്റ് ഇലക്ട്രോണിക്‌സ് എന്നിവയെ ഒഴിവാക്കുമെന്ന് ഭരണകൂടം പ്രഖ്യാപിച്ചു.കസ്റ്റംസ് ആൻഡ് ബോർഡർ പ്രൊട്ടക്ക്ഷൻ പുറപ്പെടുവിച്ച മാർഗ്ഗനിർദ്ദേശത്തിൽ പട്ടികപ്പെടുത്തിയിരിക്കുന്ന ഏകദേശം 20 ഉൽപ്പന്നങ്ങൾക്ക്  അമേരിക്ക പുതിയ തീരുവ ഈടാക്കില്ല.

സ്‌മാർട്ട്‌ഫോണുകൾക്കും ലാപ്‌ടോപ്പ് കമ്പ്യൂട്ടറുകൾക്കും പുറമേ,  ട്രാൻസിസ്റ്ററുകൾക്കും സെമികണ്ടക്ടറുകൾക്കും ഇത്  ബാധകമാകും.താരിഫ് വന്നതോടെ ആപ്പിളിന്റെയും മറ്റും സ്റ്റോക്കിൽ ഗണ്യമായ ഇടിവുണ്ടായിരുന്നു.