ഫിലഡല്ഫിയ: ഫിലഡല്ഫിയായിലും, പരിസരപ്രദേശങ്ങളിലുമുള്ള മലയാളികളുടെ പരസ്പര സഹകരണത്തിനും, സൗഹൃദത്തിനും, ഒത്തുകൂടലിനും, അത്യാവശ്യ ഘട്ടങ്ങളിലെ പരസ്പര സഹായങ്ങള്ക്കും ഊന്നല് നല്കിക്കൊണ്ട് രൂപീകൃതമായ സൗഹൃദ സംഗമ കൂട്ടായ്മയായ ' സ്നേഹതീരം - സൗഹൃദ കൂട്ടായ്മ'' യുടെ ക്രിസ്തുമസ് - പുതുവത്സര ആഘോഷം ജനുവരി 4ആം തീയതി ശനിയാഴ്ച രാവിലെ 11:30 മുതല് ഉച്ചകഴിഞ്ഞു 3 മണിവരെയുള്ള സമയങ്ങളില് വൈവിദ്ധ്യമാര്ന്ന വിവിധ പരിപാടികളോടുകൂടി ക്രൂസ്ടൗണിലുള്ള മയൂര ഇന്ത്യന് റസ്റ്റോറന്റില് വച്ച് നടത്തപ്പെടും.
പരിപാടിയുടെ നടത്തിപ്പിനായി വിവിധ കമ്മറ്റികളുടെ നേതൃത്വത്തില് വിപുലമായ ക്രമീകരണങ്ങള് നടന്നുവരുന്നു. രാജു ശങ്കരത്തില്, സുജാ കോശി, സുനിത എബ്രഹാം എന്നിവരെ പ്രോഗ്രാം കോര്ഡിനേറ്റേഴ്സായും , ബിജു എബ്രഹാം, ദിവ്യ സാജന് എന്നിവരെ കള്ച്ചറല് പ്രോഗ്രാം കോര്ഡിനേറ്റേഴ്സായും, സാജന് തോമസ്, ഉമ്മന് മത്തായി എന്നിവരെ ഫുഡ് കോര്ഡിനേറ്റേഴ്സായും, അനില് ബാബു, ഗ്ലാഡ്സണ് മാത്യു എന്നിവരെ റിസപ്ഷന് കോര്ഡിനേറ്റേഴ്സായും തിരഞ്ഞെടുത്തു.
കൊച്ചുകോശി ഉമ്മനെ പ്രോഗ്രാം ട്രഷറാര് ആയും, ജോര്ജ് തടത്തിലിനെ അസിസ്റ്റന്റ് ട്രഷറാര് ആയും, ഉമ്മന് പണിക്കരെ ഓഡിറ്റര് ആയും ചുമതല ഏല്പിച്ചു. ബിനു ജേക്കബ് ആണ് മീഡിയ കോര്ഡിനേറ്റര്.
കരോള് ഗാന പരിശീലനത്തിന് സുജാ കോശി, സുനിത എബ്രഹാം, ദിവ്യ സാജന്, സുജാ എബ്രഹാം, അനിത ജോസി എന്നിവരെ ചുമതലപ്പെടുത്തി. അതോടൊപ്പം, എബ്രഹാം കുര്യാക്കോസ്, ഫിലിപ്പ് സക്കറിയ, ജോബി ജോസഫ്, ഗോഡ്ലി തോമസ്, ദിനേഷ് ബേബി, ജോജി പോള്, ജിമ്മി ജെയിംസ്, അമല് മാത്യു, വില് സക്കറിയ, എബ്രഹാം വര്ഗീസ് , സാബു കുഞ്ഞുകുഞ്ഞ്, ജിജു ജോര്ജ്, മാത്യു ജോര്ജ് എന്നിവരടങ്ങിയ ഒരു എക്സിക്യൂട്ടീവ് കമറ്റിയും പ്രോഗ്രാമിന്റെ വിജയത്തിനായി പ്രവര്ത്തിക്കുന്നു.
ജനുവരി 4ന് നടക്കാനിരിക്കുന്ന ക്രിസ്തുമസ്- ന്യൂഇയര് പരിപാടിയില്: ക്രിസ്തുമസ് സന്ദേശം, സാന്റാക്ളോസ്, കേക്ക് കട്ടിംഗ്, ക്രിസ്തുമസ് ഗാനങ്ങള്, പുരുഷന്മാരും, വനിതകളും ഒന്നിച്ചുള്ള മനോഹരമായ കരോള് ഗാനങ്ങള്, ആവേശമേറിയ ഗ്രൂപ്പ് ഗെയിംസ്, എന്നിവയോടൊപ്പം ആഘോഷ പരിപാടിയില് പങ്കെടുക്കുന്ന ഓരോരുത്തര്ക്കും ആകര്ഷകമായ പ്രത്യേക ക്രിസ്തുമസ് സമ്മാനങ്ങള് സാന്റാക്ളോസ് സമ്മാനിക്കും. 24 ഇനം വെറൈറ്റി ഐറ്റംസ് അടങ്ങിയ കിടിലന് ബുഫെയാണ് ഈ പ്രോഗ്രാമിന്റെ മറ്റൊരു ഹൈലൈറ്റ്.
അന്നേ ദിവസത്തെ ഡ്രസ്സ് കോഡ്: വനിതകളും, പുരുഷന്മാരും ചുവന്ന വസ്ത്രങ്ങള് അണിഞ്ഞുവരുന്നത് ഉചിതമായിരിക്കും എന്ന് തീരുമാനിച്ചു. ക്രിസ്മസ് ന്യൂഇയര് പരിപാടിയുടെ വന് വിജയത്തിന് വിവിധ കമ്മറ്റികളോടൊപ്പം,എല്ലാവരുടെയും പരിപൂര്ണ്ണ സഹകരണം വിനീതമായി അഭ്യര്ത്ഥിക്കുന്നതായി സ്നേഹതീരം സംഘാടകര് അറിയിച്ചു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/12/29/QYvuo9odUcLCrpF03WKN.jpg)