ന്യൂയോർക്കിലെ ക്ഷേത്രങ്ങൾ സന്ദർശിച്ച് സൊഹ്‌റാൻ മംദാനി

ന്യൂയോർക്ക് ന്യൂയോർക്ക് നഗര മേയർ സ്ഥാനാർഥിയും ഡെമോക്രാറ്റിക് പാർട്ടി നേതാവുമായ സൊഹ്‌റാൻ മംദാനി നഗരത്തിലെ ഹിന്ദു സമൂഹത്തിൽ നിന്ന് ഊഷ്മളമായ സ്വീകരണം ഏറ്റുവാങ്ങി. ഒക്ടോബർ 5ന് ഫ്ലഷിങ്ങിലെ ഗണപതി ക്ഷേത്രത്തിൽ നടന്ന സന്ദർശനത്തിനിടെ സംസാരിക്കുകയായിരുന്നു മംദാനി.

പ്രസിദ്ധ ചലച്ചിത്ര സംവിധായികയും ഓസ്‌കാർ നോമിനിയുമായ മീര നായരുടെ മകനാണ് സൊഹ്‌റാൻ മംദാനി. മതസാംസ്കാരിക പരസ്പര ബോധത്തിൽ വളർന്നതിലുള്ള അഭിമാനം പ്രകടിപ്പിച്ചു.

'ദീപാവലി, ഹോളി, രക്ഷാബന്ധൻ എന്നിവയുടെ കഥകളും ആചാരങ്ങളും എനിക്ക് ഏറെ പ്രിയപ്പെട്ട മൂല്യങ്ങൾ പഠിപ്പിച്ചു,' അദ്ദേഹം അഭിപ്രായപ്പെട്ടു.  'ഹിന്ദുസ്4സോഹരൻ' എന്ന സംഘടന സംഘടിപ്പിച്ച ചടങ്ങിൽ എത്തിച്ചേർന്ന ഹിന്ദു സമൂഹം മംദാനിയെ ഹർഷാരവത്തോടെയാണ് വരവേറ്റത്.

നിലവിൽ ക്യൂൺസ് പ്രദേശത്തെ നിയമസഭാ അംഗമായ മംദാനി, നവംബർ 4ന് നടക്കാനിരിക്കുന്ന മേയർ തിരഞ്ഞെടുപ്പിൽ മുൻ ഗവർണർ ആൻഡ്രൂ കുവോമോ (സ്വതന്ത്രൻ), റിപ്പബ്ലിക്കൻ സ്ഥാനാർഥി കർട്ടിസ് സ്ലിവ എന്നിവരുമായാണ് മത്സരിക്കുന്നത്.