ജോ ബൈഡന്റെ സുരക്ഷാ അനുമതികൾ പിൻവലിക്കുകയാണെന്ന് ട്രംപ്

വാഷിങ്ടൻ : മുൻ പ്രസിഡന്റ് ജോ ബൈഡന്റെ സുരക്ഷാ അനുമതികൾ "ഉടനടി പിൻവലിക്കുകയാണെന്ന്" പ്രസിഡന്റ് ട്രംപ്. മുൻ കമാൻഡർ-ഇൻ-ചീഫിന്റെ ദൈനംദിന ഇന്റലിജൻസ് ബ്രീഫിങ്ങുകൾ നിർത്തുമെന്നും പ്രസിഡന്റ് ട്രംപ് പറഞ്ഞു. നാല് വർഷം മുൻപ് ബൈഡൻ ട്രംപിൽ നിന്ന് ഈ ആക്‌സസ് എടുത്തുകളഞ്ഞിരുന്നു.

"ജോ ബൈഡന് ക്ലാസിഫൈഡ് വിവരങ്ങളിലേക്കുള്ള ആക്സസ് തുടർന്നും ലഭിക്കേണ്ട ആവശ്യമില്ല. അതിനാൽ, ഞങ്ങൾ ഉടൻ തന്നെ ജോ ബൈഡന്റെ സുരക്ഷാ അനുമതികൾ പിൻവലിക്കുകയും അദ്ദേഹത്തിന്റെ ദൈനംദിന ഇന്റലിജൻസ് ബ്രീഫിങ്ങുകൾ നിർത്തുകയും ചെയ്യുന്നു,” ട്രംപ് ട്രൂത്ത് സോഷ്യൽ പോസ്റ്റിൽ പ്രഖ്യാപിച്ചു.