യുക്രൈൻ യുദ്ധം അവസാനിക്കുമെന്ന പ്രതീക്ഷയിൽ അലാസ്കയിലേക്ക് ഉറ്റുനോക്കി ലോകം; യു എസ് മണ്ണിലെത്താൻ സന്നദ്ധത കാണിച്ച പുടിന്റെ തീരുമാനം ആദരണീയമെന്ന് ട്രംപ്

വാഷിങ്ടൺ: റഷ്യ- യുക്രൈൻ യുദ്ധം അവസാനിപ്പിക്കാനുള്ള ട്രംപ്- പുടിൻ ഉച്ചകോടി അലാസ്കയിലെന്ന് സ്ഥിരീകരിച്ച് വൈറ്റ്ഹൗസ്, വെള്ളിയാഴ്ചയാണ് കൂടിക്കാഴ്ച അമേരിക്കൻ മണ്ണിലെത്താൻ സന്നദ്ധത കാണിച്ച പുടിന്റെ തീരുമാനം ആദരണീയമെന്ന് ട്രംപ് പറഞ്ഞു.

ഉച്ചകോടിക്ക് അലാസ്ക തിരഞ്ഞെടുത്തത് എന്തുകൊണ്ട്?

റഷ്യയുടെ മുൻ ഭാഗമായിരുന്ന അലാസ്ക്, ഇപ്പോൾ അമേരിക്കയിലെ ഏറ്റവും വലിയ സംസ്ഥാനമാണ്. 1867-ൽ 72 ലക്ഷം ഡോളറിന്റെ റഷ്യയിൽ നിന്ന് അമേരിക്ക വാങ്ങിയ ഈ പ്രദേശം, റഷ്യയുടെയും കാനഡയുടെയും അതിർത്തിയുമായി ബന്ധപ്പെട്ട് കിടക്കുന്നു. ഈ ചത്രപരമായ ബന്ധം മാത്രമല്ല, മറ്റു ചില രാഷ്ട്രീയ കാരണങ്ങളും അലാസ്കയെ കൂടിക്കാഴ്ചക്കായി തിരഞ്ഞെടുക്കാൻ ട്രംപിനെ പ്രേരിപ്പിച്ചു.

നിലവിൽ പുടിനെതിരെ അന്താരാഷ്ട്ര ക്രിമിനൽ കോടതിയുടെ അറസ്റ്റ് വാറന്റ് നിലനിൽക്കുന്നുണ്ട്. എന്നാൽ അമേരിക്ക ഈ കോടതിയിൽ

അംഗമല്ലാത്തതിനാൽ, അലാസ്കയിൽ വെച്ച് അദ്ദേഹത്തെ അറസ്റ്റ് ചെയ്യാൻ കഴിയില്ല. കൂടാതെ, റഷ്യയിൽ നിന്ന് മറ്റൊരു രാജ്യവും സ്പർശിക്കാതെ, 88 കിലോമീറ്റർ മാത്രം ബെറിങ് കടലിടുക്കിനു മുകളിലൂടെ പറന്ന് പുടിന് സുരക്ഷിതമായി അലാസ്കയിലെത്താൻ സാധിക്കും.

അമേരിക്കയുടെ 49-ാമത് സംസ്ഥാനമായ അലാസ്കയുടെ പ്രാധാന്യം തിരിച്ചറിയുന്നത് സ്വർണ്ണ നിക്ഷേപവും പ്രകൃതി വിഭവങ്ങളും കണ്ടെത്തിയ ശേഷമാണ്. 1959-ലാണ് അലാസ്ക അമേരിക്കൻ ഐക്യനാടുകളുടെ ഭാഗമാകുന്നത്.