ട്രംപ് സെലെൻസ്കി കൂടിക്കാഴ്ച ഇന്ന് ഫ്ലോറിഡയിൽ

കീവ്: വാരാന്ത്യത്തിൽ ഫ്ലോറിഡയിൽ യുഎസ് പ്രസിഡന്റ് ഡോണൾഡ് ട്രംപുമായി കൂടിക്കാഴ്ച നടത്തുമെന്ന് യുക്രെയ്ൻ പ്രസിഡന്റ് വോളോഡിമർ സെലെൻസ്കി അറിയിച്ചു. ഏകദേശം നാല് വർഷമായി തുടരുന്ന റഷ്യ-യുക്രെയ്ൻ യുദ്ധം അവസാനിപ്പിക്കാൻ യുഎസ് നേതൃത്വം നൽകുന്ന വിപുലമായ നയതന്ത്ര നീക്കത്തിലെ ഏറ്റവും പുതിയ സംഭവവികാസമാണ് ഈ കൂടിക്കാഴ്ച.

ഇന്ന് നടക്കുന്ന ചർച്ചയിൽ ഇരു നേതാക്കളും യുക്രെയ്നിനുള്ള സുരക്ഷാ പദ്ധതികൾ ഉൾപ്പെടുമെന്ന് സെലെൻസ്കി മാധ്യമപ്രവർത്തകരോട് പറഞ്ഞു. കൂടാതെ ചർച്ചയിലിരിക്കുന്ന 20 ഇന പദ്ധതി ഏകദേശം 90% തയ്യാറാണെന്നും അദ്ദേഹം വ്യക്തമാക്കി. യുഎസ് പ്രത്യേക പ്രതിനിധി സ്റ്റീവ് വിറ്റ്കോഫുമായും ട്രംപിന്റെ മരുമകൻ ജാരെഡ് കുഷ്നറുമായും നടന്ന ചർച്ചകൾക്ക് ശേഷമാണ് സെലെൻസ്കിയുടെ പ്രതികരണം.