ഹ്യൂസ്റ്റൺ പാർക്കിൽ രണ്ട് സുഹൃത്തുക്കൾ വെടിയേറ്റ് മരിച്ചു; വെടിയേറ്റത് പതിവ് നടത്തത്തിനിടെ

ഹ്യൂസ്റ്റൺ : തെക്കുപടിഞ്ഞാറൻ ഹ്യൂസ്റ്റണിലെ ഒരു പാർക്കിൽ പതിവ് നടത്തത്തിനിടെ അയൽക്കാരും സുഹൃത്തുക്കളുമായ രണ്ട് പേർ വെള്ളിയാഴ്ച വെടിയേറ്റ് മരിച്ചതായി പോലീസ് അറിയിച്ചു. കൊല്ലപ്പെട്ട രണ്ട് പേർക്കും 70 ന് മേൽ പ്രായമുണ്ട്.

രാവിലെ ആറ് മണിയോടെ കോൾ വന്നതിനെ തുടർന്ന് പോലീസ് 14900 വൈറ്റ് ഹീതർ ഡ്രൈവിലുള്ള വൈൽഡ്‌ഹീതർ പാർക്കിലേക്ക് എത്തുകയായിരുന്നു.  

പാർക്കിലെ നടപ്പാതയിലൂടെ നടക്കുമ്പോൾ, ഒന്നോ അതിലധികമോ പ്രതികൾ പിന്നിൽ നിന്ന് ശരീരത്തിലേക്ക് ഒന്നിലധികം റൗണ്ടുകൾ വെടിയുതിർക്കുകയായിരുന്നുവെന്നു സാർജന്റ് മൈക്കൽ അരിംഗ്ടൺ പറഞ്ഞു. വെടിവയ്പ്പിന് മുമ്പ് പ്രതി ഉയരത്തിലുള്ള പുൽമേട്ടിൽ കാത്തിരുന്നിരിക്കാനും സാധ്യതയുണ്ടെന്ന് അന്വേഷകർ പറഞ്ഞു.

സംശയിക്കപ്പെടുന്നവർ പ്രദേശത്ത് നിന്ന് അടുത്തുള്ള പാർക്കിംഗ് സ്ഥലത്തേക്ക് ഓടി ഒരു വെളുത്ത സെഡാനിൽ രക്ഷപെടുന്നത് കണ്ടതായി ദൃക്‌സാക്ഷികൾ റിപ്പോർട്ട് ചെയ്തു.

സംഭവം കവർച്ചയാണെന്ന് തോന്നുന്നില്ല, മറിച്ച് പതിയിരുന്നുള്ള ആക്രമണമാണെന്ന് സംശയിക്കുന്നതായി അരിംഗ്ടൺ പറഞ്ഞു.

ഈ കേസിനെക്കുറിച്ച് എന്തെങ്കിലും വിവരങ്ങൾ ഉള്ളവർ എച്ച് പി ഡി ഹോമിസൈഡ് ഡിവിഷനെ (713) 308-3600 എന്ന നമ്പറിലോ ക്രൈം സ്റ്റോപ്പേഴ്‌സ്നെ 713-222- ടി ഐ പി എസ് എന്ന നമ്പറിലോ വിളിക്കണമെന്ന് അഭ്യർത്ഥിക്കുന്നതായി പോലീസ് അറിയിച്ചു.